Uttarakhand Tunnel Accident: चमोली बोगदा दुर्घटनेत 7 जणांचा मृत्यू; 14 मजुरांची सुखरूप सुटका; मृतक आणि जखमींची नावे समोर

Uttarakhand Tunnel Accident: उत्तराखंडमधील चमोली जिल्ह्यातील पीपलकोटी येथे निर्माणाधीन जलविद्युत प्रकल्पाच्या सुरंगेत पाणी आणि मलबा घुसल्याने भीषण दुर्घटना घडली. या दुर्घटनेत आतापर्यंत 7 मजुरांचा मृत्यू झाला असून 14 जण जखमी झाले आहेत.

• पीपलकोटी सुरंग दुर्घटनेत 7 जणांचा मृत्यू
• पाण्यासह मलबा सुरंगेत शिरला अन् अनर्थ
• चमोलीत 7 मजुरांचा मृत्यू, 14 जखमी

Uttarakhand Tunnel Accident: उत्तराखंडच्या चमोली जिल्ह्यातील पीपलकोटी (Chamoli tunnel accident) परिसरात गुरुवारी, 13 ऑगस्ट रोजी मोठी दुर्घटना घडली. विष्णुगाड-पीपलकोटी जलविद्युत प्रकल्पाच्या निर्माणाधीन सुरंगेत अचानक मोठ्या प्रमाणात पाणी आणि मलबा घुसल्याने सुरंगेत काम करणारे मजूर अडकले. या दुर्घटनेत आतापर्यंत 7 मजुरांचा मृत्यू झाला असून 14 मजूर जखमी झाले आहेत. (Uttarakhand Tunnel Accident)

सुरंगेत नेमकं काय घडलं?

पीपलकोटी परिसरातील THDCच्या जलविद्युत प्रकल्पाच्या निर्माणाधीन सुरंगेत गुरुवारी संध्याकाळी अचानक भूस्खलन झाले. त्यानंतर सुरंगेत मोठ्या प्रमाणावर पाणी आणि मलबा शिरला. त्यामुळे काम करणाऱ्या मजुरांना बाहेर पडण्यासाठी फारसा वेळ मिळाला नाही. बचाव पथकांनी तातडीने घटनास्थळी धाव घेतली.

महागाई भिडली गगनाला; देशाचा किरकोळ महागाई दरही वाढला, आता…

NDRF-SDRFकडून बचावकार्य

घटनेची माहिती मिळताच NDRF आणि SDRFच्या पथकांसह स्थानिक प्रशासनाने बचावकार्य सुरू केले. सुरंगेत पाणी आणि मलबा असल्याने बचावकार्याला अडथळे निर्माण झाले. सुरंगेत अडकलेल्या कामगारांचा शोध घेण्यासाठी पथके सातत्याने प्रयत्न करत आहेत.

मुख्यमंत्री धामी घटनास्थळी

या दुर्घटनेची माहिती मिळाल्यानंतर उत्तराखंडचे मुख्यमंत्री पुष्कर सिंह धामी यांनी परिस्थितीचा आढावा घेतला. प्रशासनाला बचावकार्याला सर्वोच्च प्राधान्य देण्याच्या सूचना देण्यात आल्या आहेत. हिमालयीन भागातील भूस्खलन आणि भूगर्भीय अस्थिरतेमुळे अशा बांधकामांमध्ये मोठे धोके निर्माण होतात.

मृत मजुरांची नावे

प्रदीप सिंह पवार – गेंवाल, टिहरी जिल्हा
मुकेश – चमोली
दुर्लभ शर्मा – बिहार
विजय कुमार – झारखंड
जितेंद्र कुमार – झारखंड
लोकेश्वर
भुनेश्वर

14 जखमी मजुरांची नावे

दुर्घटनेत जखमी झालेल्या मजुरांमध्ये सुनील दीवान, हाबिल गुड़िया, निस्तार भिंगरा, विनोद सावना, दीना बैगरा, खेला राम बिसरा, छब्बा सिंह, तिलक राज, चंदन कुमार, अवधेश, नंदलाल, रोहित पांडे, पेन सिंह आणि गोविंद यांचा समावेश आहे. यापैकी गोविंद यांना उपचारानंतर डिस्चार्ज देण्यात आला आहे, तर रोहित पांडे यांना श्रीनगर येथे पुढील उपचारांसाठी रेफर करण्यात आले आहे. इतर जखमींवर गोपेश्वर जिल्हा रुग्णालयात उपचार सुरू असल्याचे वृत्त आहे.

Patiala Pitbull Attack: ‘जबड्यात जो आला तो गेला! घर पाहण्यासाठी गेलेल्या जोडप्यावर पिटबुल कुत्र्याचा हल्ला, घटनेचा VIDEO समोर