Weather : उत्तर भारतातील ‘या’ शहरात वाढलीय थंडी, लोकरीचे कपडे विकत घेण्यास पर्यटकांची झुंबड

Weather : प्रसिद्ध पर्यटन स्थळ असलेल्या नैनीतालमध्ये मागील तीन दिवसांपासून हवामानाचा पारा घसरला आहे. येथे सलग पडलेल्या जोरदार पावसानंतर थंड वारे वाहू लागले असून पर्यटक बाजारातून लोकरीचे कपडे विकत घेण्यासाठी गर्दी करत आहेत.

• नैनीतालमधील वातावरण अचानक बदलले
• पर्यटकांचा लोकरीचे कपडे घेण्याकडे कल
• वातावरणाचा अंदाज घेण्याची विभागाची माहिती

सरोवर नगरी म्हणून प्रसिद्ध असलेल्या नैनीतालमध्ये सतत कोसळणाऱ्या पावसानंतर येथील हवामाना (Weather ) ने अचानक आपले रुप बदलले आहे. येथे मागील तीन दिवसांपासून सुरू असलेला मुसळधार पाऊस व त्यामुळे पडलेल्या कडाक्याच्या थंडीमुळे येथील पाराही घसलला आहे.
पावसात अचानक वाढलेल्या थंडीने येथे आलेल्या पर्यटकांच्याही अडचणी वाढवल्या आहेत, त्यामुळे लोकरीचे गरम कपडे शोधण्यासाठी त्यांना आपल्या हॉटेलबाहेर पडावे लागणार आहे. स्थानिकांसह पर्यटकांनी नैनीतालच्या मुख्य बाजारपेठेत लोकरीचे कपडे घेण्यासाठी गर्दी केली आहे.

नैनीतालच्या बाजारांत सध्या जॅकेट, स्वेटर आणि इतर लोकरीचे शरीराला उब देणाऱ्या कपड्यांची खरेदी करताना पर्यटक पाहण्यास मिळत आहेत. दुकानदारांचे म्हणणे आहे की, हवामानात अचानक झालेल्या बदलामुळे लोकरीच्या कपड्यांच्या मागणीत मोठी वाढ झाली.
महत्त्वाचे म्हणजे, येथे पाऊस कोसळल्यानंतर थंड वारे वाहू लागतात. ज्यामुळे लोकांना घरात किंवा रस्त्यांवर साध्या कपड्यात वावरणे कठिण झाले आहे.

पर्यटकांचा लोकरीचे कपडे खरेदीकडे कल

दिल्लीहून येथे पर्यटनासाठी आलेली गरिमा म्हणाली की, आम्ही येथे आलो तेव्हा सुरुवातीला वातावरण छान होते, पण मागील तीन दिवसांपासून येथे सातत्याने पाऊस पडत असून थंडी वाढली आहे. आम्ही येथे येताना थंडीचे कपडे आणले नव्हते, ज्यामुळे आम्हाला आता बाजारात जाऊन जॅकेट व इतर लोकरीचे कपडे विकत घ्यावे लागत आहेत.
तर मध्यप्रदेशातून आलेला पर्यटक अवनीश म्हणाला की, नैनीतालमध्ये सध्या गारेवारे वाहत आहेत. पावसानंतर येथील थंडी अचानक वाढली. आम्हाला असं काही घडेलं असं वाटलंच नव्हते, त्यामुळे आम्हाला लोकरीचे कपडे विकत घेण्यासाठी बाजार गाठावे लागत आहे.

UP Election 2027: जागावाटपावरून राजकारण तापले! काँग्रेसची 150 जागांवर नजर; सपा-काँग्रेसच्या जागावाटपात वाढणार तिढा?

व्यापाऱ्यांचा फायदा

भोटिया मार्केटमधील कपड्याचे दुकानदार दिनेश भोटिया म्हणाले की, नैनीतालमध्ये अगोदरच थंडी सुरू झाली आहे. त्यात मागील तीन दिवसांत पडलेल्या पावसाने येथील तापमानाचा पारा खालावला. त्यामुळे स्थानिकांसह पर्यटकही साध्या जॅकेटऐवजी मोठे स्वेटर, जॅकेट व इतर उबदार कपड्यांची मागणी करत आहेत. यातून चांगला नफा मिळत आहे.
तसेच येणाऱ्या काळात जर आपण नैनीताल फिरण्याचा प्लान आखत असाल तर येथील वातावरणाबाबत अपडेट राहण्याचे आव्हान हवामान विभागाने पर्यटकांना केले आहे. सततचा पडणारा पाऊस व थंडीकडे पाहता पर्यटकांनी पावसाच्या जॅकेटसह थंडीचे जॅकेटही सोबत बाळगावे असेही सांगण्यात आले आहे.
डोंगराळ भागात पावसादरम्यान तापमान वेगाने खाली येतो. अशात निसर्गरम्य अशा नैनीतालमध्येही तिच परिस्थिती सध्या पाहण्यास येत असून ऑक्टोबर हिटपासून कंटाळलेलेल नागरिक नैनीताल फिरण्याची प्लानिंग नक्की आखू शकतात.

LPU Violence: लव्हली प्रोफेशनल विद्यापीठात राडा; पोलिसांच्या वाहनांना आग, विद्यार्थ्यांवर लाठीचार्ज