BJP Candidate List : पश्चिम बंगालमध्ये ममता दीदींचा गड ढासळणार? BJP च्या 144 उमेदवारांची पहिली यादी जाहीर

पश्चिम बंगाल विधानसभा निवडणुकीसाठी भाजपने उमेदवारांची पहिली यादी जाहीर केली. यामध्ये 144 मतदारसंघासाठी उमेदवार घोषित करण्यात आले आहेत.

• पश्चिम बंगालमध्ये विधानसभा निवडणूक
• भाजपकडून पश्चिम बंगालच्या उमेदवारांची पहिली यादी जाहीर
• 144 मतदारसंघासाठी उमेदवार घोषित

West Bengal BJP Candidate List : पश्चिम बंगाल : पश्चिम बंगालमध्ये (West Bengal) विधानसभा निवडणुकीचा बिगुल वाजला आहे. ममता बॅनर्जी यांच्या राज्याकडे सर्वांचे लक्ष लागले आहे. बंगालची निवडणूक ही दोन टप्प्यांत मतदान होईल. पहिला टप्पा 23 एप्रिल आणि दुसरा टप्पा 29 एप्रिल रोजी पार पडेल. मतमोजणी 4 मे 2026 रोजी होणार आहे. याच पार्श्वभूमीवर भाजपने खास रणनीती आखली आहे. भाजपकडून (BJP Politics) उमेदवारांची यादी जाहीर करण्यात आली असून यामधून त्यांनी सर्व समाजातील प्रतिनिधींना संधी दिली आहे. तसेच सर्वांना खूश ठेवण्याचा प्रयत्न केला आहे.

विधानसभा निवडणुकीसाठी भाजपने उमेदवारांची पहिली यादी जाहीर केली. यामध्ये 144 मतदारसंघासाठी उमेदवार घोषित करण्यात आले आहेत. राज्यात एकूण २९४ विधानसभा जागा आहेत. याचा अर्थ भाजपने त्यांच्या जवळपास अर्ध्या उमेदवारांची नावे जाहीर केली आहेत. यामुळे भाजपची रणनीती आता समोर आली आहे.

हे देखील वाचा : ओडिशात ऑपरेशन लोटस? काँग्रेसच्या आमदारांना प्रत्येकी ५ कोटींची ऑफर

भाजपने या यादीत विरोधी पक्षनेते शुभेंदू अधिकारी यांचे नावही जाहीर केले आहे. त्यांना भवानीपूर विधानसभा मतदारसंघातून उमेदवारी देण्यात आली आहे. माजी प्रदेशाध्यक्ष दिलीप घोष यांना खरगपूर सदर मतदारसंघातून उमेदवारी देण्यात आली आहे. १४४ उमेदवारांपैकी फक्त ११ महिलांना तिकीट देण्यात आले आहे. त्यामुळे भाजपच्या महिला उमेदवारांचे प्रमाण फार कमी असल्याचे दिसून आले आहे.

हे देखील वाचा : ‘कोणत्याही परिस्थितीत 5 एप्रिलपर्यंत…’; दारू घोटाळ्यात कोर्टाचे Kejriwal अन् सिसोदियांना निर्देश

See more

BJP announces first list of 144 candidates for the upcoming West Bengal Assembly Elections pic.twitter.com/QHLfHAUNFF — ANI (@ANI) March 16, 2026

पश्चिम बंगालमध्ये निवडणुकीचा बिगुल वाजताच, प्रशासकीय फेरबदलांबाबत राजकीय वातावरण शिगेला पोहोचले आहे. सोमवारी, संसदेच्या वरिष्ठ सभागृह राज्यसभेत, तृणमूल काँग्रेसच्या सदस्यांनी निवडणूक आयोगाच्या कारवाईविरुद्ध निषेध व्यक्त केला तेव्हा मोठा गोंधळ उडाला. तृणमूल काँग्रेसने राज्याच्या मुख्य सचिव नंदिनी चक्रवर्ती आणि गृह सचिव जगदीश प्रसाद मीना यांना त्यांच्या पदावरून काढून टाकण्याच्या आयोगाच्या निर्णयाला “मनमानी” आणि केंद्र सरकारचा “लोकशाहीवरील हल्ला” म्हटले आहे. राज्यसभेत शून्य कालचे कामकाज सुरू होताच, तृणमूल काँग्रेसचे खासदार डेरेक ओ’ब्रायन यांनी उच्च अधिकाऱ्यांच्या बदल्यांचा मुद्दा उपस्थित केला. निवडणुकीच्या तारखा जाहीर झाल्यानंतर इतक्या लवकर रात्री उशिरा केलेली अशी कारवाई निष्पक्ष निवडणूक प्रक्रियेत अडथळा आणण्यासारखी आहे, असा आरोप त्यांनी केला.
तृणमूल काँग्रेसच्या खासदारांनी सांगितले की, हे पाऊल राज्याच्या प्रशासकीय यंत्रणेला अस्थिर करण्याच्या उद्देशाने आहे. या निषेधार्थ, सर्व तृणमूल काँग्रेस सदस्यांनी दिवसभर सभागृहातून वॉकआउट केले.