पाटणा : बिहारमधील प्रसिद्ध यूट्यूबर मनीष कश्यप (Manish Kashyap) यांनी गुरुवारी भाजपमध्ये प्रवेश केला. यावेळी भाजपचे नेते मनोज तिवारी आणि अनिल बलुनी उपस्थित होते. यापूर्वी कश्यप यांनी पश्चिम चंपारण मतदारसंघातून लोकसभा निवडणूक लढवणार असल्याचे जाहीर केले होते.
मनीष कश्यप हे जनतेचे प्रश्न मांडतात. आता भाजप त्याच्यासोबत आहे. ”मी मनीष यांना सुरुवातीपासून ओळखतो. गरिबांचे विकास आणि कल्याण हाच त्यांचा ध्यास आहे. गरिबांच्या कल्याणासाठीचे ते पंतप्रधान मोदी यांच्यासोबत सामील झाले आहेत”, असे मनोज तिवारी यांनी सांगितले.
कोणत्याही पक्षाकडूनही ऑफर न मिळाल्यानंतर मनीष कश्यप 2024 च्या लोकसभा निवडणुकीत पश्चिम चंपारणमधून अपक्ष उमेदवार म्हणून प्रचार करत होते. संजय जयस्वाल यांना कडवी टक्कर देण्यासाठी त्यांची तयारी सुरू होती. मनीष कश्यप यांनी निवडणुकीतून माघार घेण्यासाठी मनधरणी करण्यासाठी भाजपने मनोज तिवारी यांना पाठवले होते, अशी चर्चाही राजकीय वर्तुळात रंगली होती.
आता कश्यप भाजपामध्ये सहभागी झाल्याने पक्षाला पश्चिम चंपारण मतदारसंघात पक्षाच्या उमेदवाराला मोठे बळ मिळेल, असे मानले जात आहे.
.png "Videos"){kind=small}
