बर्थडे बॉय आकाश चोप्रा कॉमेंट्रीमधून किती कमावतो; माजी क्रिकेटर तथा प्रसिद्ध समालोचकाची नेटवर्थ जाणून व्हाल थक्क

Aakash Chopra Net Worth : आकाश चोप्रा भारतासाठी फक्त 10 कसोटी खेळू शकला. या फलंदाजाने देशांतर्गत सामन्यांमध्ये खूप धावा केल्या, परंतु आंतरराष्ट्रीय स्तरावर आपल्या प्रतिभेला न्याय देऊ शकला नाही. परंतु समालोचक म्हणून या खेळाडूने भरपूर नाव कमावले. आज त्याच्या नेटवर्थवर आपण नजर टाकणार आहोत.

Aakash Chopra Annual Income : आज माजी भारतीय क्रिकेटर आकाश चोप्रा त्याचा 47 वा वाढदिवस साजरा करीत आहे. खरंतर आकाश चोप्राची कारकीर्द क्रिकेटपटू म्हणून फारशी यशस्वी झाली नसली तरी समालोचक म्हणून त्याने खूप नाव कमावलं आहे. आकाश चोप्रा भारताकडून फक्त 10 कसोटी खेळू शकला. जरी, या फलंदाजाने देशांतर्गत सामन्यांमध्ये खूप धावा केल्या, परंतु आंतरराष्ट्रीय स्तरावर आपल्या प्रतिभेला न्याय देऊ शकला नाही. पण आकाश चोप्राने आपल्या मेहनती आणि खास समालोचनाच्या जोरावर एक वेगळी ओळख निर्माण केली.
आकाश चोप्राची एकूण संपत्ती
आकाश चोप्राला समालोचक म्हणून किती पैसे मिळतात हे तुम्हाला माहीत आहे का? तसेच या माजी क्रिकेटपटूची एकूण संपत्ती किती आहे? मीडिया रिपोर्ट्सनुसार, आकाश चोप्राची एकूण संपत्ती अंदाजे 8 दशलक्ष डॉलर्स आहे, जी भारतीय चलनात सुमारे 64 कोटी रुपये असेल. आकाश चोप्रा त्याच्या क्रिकेट कॉमेंट्री व्यतिरिक्त यूट्यूब चॅनल, बँड एंडोर्समेंट आणि गुंतवणुकीतून कमाई करतो. अलीकडेच आकाश चोप्राने त्याच्या यूट्यूब चॅनलवर भारतातील समालोचकांच्या पगाराबद्दल खुलेपणाने बोलले होते. यामध्ये त्यांनी सांगितले होते की, भारतात समालोचकांचा पगार किती आहे?
भारतात समालोचकांचा पगार किती
त्या मुलाखतीत आकाश चोप्राला क्रिकेट समालोचकांच्या पगाराबद्दल विचारण्यात आले होते. ज्याला उत्तर देताना आकाश चोप्रा म्हणाले की, मी चुकीचा असू शकतो, कारण आजपर्यंत मी कोणत्याही समालोचकाचा पगार विचारलेला नाही, परंतु तरुण/नवीन समालोचकाची फी किमान 35 ते 40 हजार रुपये असू शकते, परंतु एका समालोचकाची फी अनुभवी समालोचक 6-10 लाख रुपये कमवू शकतात. तो पुढे म्हणतो की एका वर्षात 100 सामने असतील तर एक अनुभवी क्रिकेट समालोचक वर्षाला 10 कोटी रुपये कमवू शकतो.