रविवार, 12 जुलै 2026
पिंपरी: पिंपरी चिंचवड महापालिकेत विविध कामांसाठी येणाऱ्या नागरिकांची कामे वेळेत पूर्ण होत नाहीत, त्यांना वारंवार हेलपाटे मारावे लागतात, यांसारख्या नागरिकांच्या तक्रारी वाढल्या आहेत, असे निदर्शनास आल्याचे सांगत महापालिका आयुक्त राजेश पाटील यांनी सर्वच विभागांची नियमितपणे दप्तर तपासणी करण्याचे आदेश विभागप्रमुखांना दिले. तपासणी पथक आणि दक्षता पथकाच्या माध्यमातून ही विशेष मोहीम राबवण्यात येणार आहे.
महापालिकेचे कार्यालयीन कामकाजाचे २६५ विभाग आहेत. या माध्यमातून शहरातील नागरिकांची नागरी सुविधांविषयक कामे केली जातात. ही कामे वेळेत होत नाहीत.त्यामुळे नागरिकांचा रोष निर्माण होतो. परिणामी, महापालिकेची प्रतिमा खराब होते.त्यामुळे नागरिकांची कामे होतात का, नसेल तर त्याची कारणे काय, नेमक्या काय अडचणी आहेत, अशा सर्व मुद्यांची शहानिशा होणे गरजेचे आहे.त्यासाठी स्वतंत्रपणे ही तपासणी मोहिम राबवण्याचा निर्णय घेतल्याचे महापालिका आयुक्त राजेश पाटील यांनी म्हटले आहे.
[read_also content=”सांगलीतील धक्कादायक घटना!लग्नाच्या अवघ्या चौथ्या दिवशीचं तरूणाने उचललं टोकाचं पाऊल, हळदीचा रंगही अजून उडाला नसता संसार मोडला https://www.navarashtra.com/latest-news/on-the-fourth-day-of-the-marriage-the-young-man-took-the-last-step-nrms-111385.html”]
नागरिकांचा अधिकाधिक संबंध येणाऱ्या करसंकलन, नगररचना, बांधकाम परवानगी,नागरवस्ती आदी विभागांची दप्तर तपासणी होणार आहे.त्यासाठी महापालिकेचे तपासणी पथक आणि दक्षता पथक संयुक्तपणे मोहिम राबवणार आहेत.दर आठवड्यात एका विभागाची तपासणी होणार असून त्यात कर्मचाNयांचे ओळखपत्र, गणवेश, हजेरी यासह कार्यालयातील दैनंदिन नोंदी आदींची तपासाणी होईल.
कर्मचाऱ्यांचे चे गणवेश, उपस्थिती, शिस्त आदींच्या अनेकदा तपासण्या झाल्या आहेत.मात्र, त्यातून काहीही निष्पन्न झाले नाही.अनेक कर्मचारी हजेरी लावताच चहा,नाश्त्याचे कारण देऊन बाहेर पडतात, ते पुन्हा जागेवर येत नाहीत.सकाळी हजेरी लावून थेट कामावरुन सुटण्याचा वेळीच प्रकट होणारे बरेच कर्मचारी आहेत.अधिकाऱ्यांची ,नगरसेवकांची खासगी कामे करणाऱ्या कर्मचाऱ्यांची लक्षणीय आहे.
