शुक्रवार, 6 नोव्हेंबर 2026
साधरण 26 वर्षांपूर्वी आलेली लोकप्रिय टीव्ही मालिका शक्तीमान आजही प्रेक्षकांच्या स्मरणात आहे. अभिनेते मुकेश खन्ना (mukesh khanna) (shaktiman) यांनी साकारलेली ही व्यक्तिरेखा आजही लोकांच्या लक्षात आहे. याच मालिकेचं रूपांतर चित्रपटात होणार अशी घोषणा गेल्यावर्षीच करण्यात आली होती. सोनी पिक्चर्सनेही टीझर जारी केला होता. मात्र,कोरोनामुळे या चित्रपटाचं काम लांबणीवर पडलं होतं. हा चित्रपट खूप मोठ्या स्तरावर बनवला जाणार असल्याची माहिती अभिनेते मुकेश खन्ना यांनी दिली होती. या चित्रपटासाठी सुमारे 200 ते 300 कोटी रुपये खर्च येणार आहे. हा चित्रपट नक्कीच बनणार असल्याची माहिती मुकेश खन्ना यांनी दिली. तर, रणवीर सिंह (ranveer singh) या चित्रपटात शक्तीमानची भूमिका साकारणार असल्याच्या बातम्या गेल्या वर्षी आल्या होत्या. मात्र, याबाबत तूर्तास दुजोरा मिळालेला नाही.
‘शक्तीमानच्या गेटअपमध्ये मुकेश आता दिसणार नाही’
मुकेश खन्ना पुढे म्हणाले- सध्या मी म्हणू शकतो की मी यापुढे शक्तीमानच्या गेटअपमध्ये दिसणार नाही. मला कोणतीही तुलना करायची नाही. मी या चित्रपटाशी नक्कीच जोडलो जाणार आहे. दरम्यान,या चित्रपटाची स्टारकास्ट आणि त्याचं दिग्दर्शन कोण करणार याबाबत लवकरच सर्व माहिती समोर येईल.
1997 शक्तीमान ही मालिका प्रसारित झाली होती. मात्र, ही मालिका काही भागांनंतर अचानक बंद पडली.
महाभारत आणि रामायणानंतर शक्तीमानला दूरदर्शनवर सर्वाधिक पसंती मिळाली. या मालिकेला मुलांमध्ये सर्वाधिक लोकप्रियता मिळाली होती. ही मालिका बंद होण्यामागे मुकेश खन्ना आणि दूरदर्शन यांच्यात पैशावरून झालेला वाद कारणीभूत ठरला होता.
