Vaishali And Rupali Hotel: शी! पुरुषांच्या टॉयलेटजवळ डोसा, उत्तप्पाचा तवा अन्…; FDA कडून लायसन्स रद्द

एफडीएच्या पथकाने १३ नोव्हेंबर रोजी दोन्ही रेस्टॉरंटची तपासणी केली. हॉटेल वैशालीच्या तपासणीत स्वयंपाकघरातील जागेचे अयोग्य नियोजन आणि अस्वच्छतेसह अनेक गंभीर त्रुटी आढळल्या. महिलांच्या स्वच्छतागृहाजवळ कच्चा माल ठेवण्यासाठी फ्रीजर, तर पुरुषांच्या स्वच्छतागृहाजवळ डोसा आणि उत्तप्पा तयार करण्याचा तवा ठेवण्यात आला होता. स्वच्छतागृहासमोरील टेबलावर धुतलेली भांडी ठेवण्यात आली होती. तसेच उकडलेले बटाटे, शिजवलेला भात आणि अन्य तयार अन्नपदार्थ उघड्या कॉरिडॉरमध्ये ठेवले होते. इडली आणि डोशाचे पीठ तयार करण्याची प्रक्रियाही असुरक्षित जागेत सुरू असल्याचे आढळले.

तपासणीत ९८ पैकी केवळ ५८ गुण मिळाल्याने हॉटेलला नियमांचे पालन न करणारे ठरविण्यात आले. कच्च्या भाज्या तयार अन्नपदार्थांच्या वर ठेवणे, कीटकप्रतिबंधक दरवाजांचा अभाव, तापमानाच्या नोंदी नसणे आणि पिण्याच्या पाण्याचा अद्ययावत तपासणी अहवाल उपलब्ध नसणे, अशा त्रुटीही आढळल्या. यापूर्वी जूनमध्ये सुधारणा नोटीस देऊनही त्रुटी कायम असल्याने परवाना निलंबित करण्यात आला.

तुकाराम मुंढेंच्या FDA ची पुण्यात धडक कारवाई! तब्बल ५.२ टन खाद्यपदार्थ ताब्यात तर 559 किलो…

सहआयुक्त श्रीकांत करकळे यांच्या मार्गदर्शनाखाली आणि सहायक आयुक्त सय्यद इम्रान हाश्मी यांच्या आदेशानुसार ही कारवाई करण्यात आली. संबंधित रेस्टॉरंटनी सर्व त्रुटी दूर करून पुनर्तपासणीत नियमांची पूर्तता केल्यानंतर आणि प्रशासनाची लेखी परवानगी मिळाल्यानंतरच अन्न व्यवसाय सुरू करता येणार आहे. तोपर्यंत कोणत्याही स्वरूपात अन्नपदार्थांची विक्री करण्यास मनाई करण्यात आली आहे.

Web Title: Fda action against vaishali and rupali hotel cancelled license for uncleanliness pune news

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com