राज्यातील आदिवासींकरिता शासनाचा निर्णय! परसबागेसाठी 40 लाख रुपयांच्या निधीस मान्यता

राज्यातील आदिवासी जिल्ह्यांमध्ये आदिवासी कुटुंबाच्या परसबागेत फळझाडे व भाजीपाला लागवडीची योजना सन 2024-25 मध्येही राबविणार आहे. या योजनेसाठी  40 लाख रुपये एवढ्या निधीच्या कार्यक्रमास प्रशासकीय मान्यता देण्यात आली आहे

फोटो सौजन्य- iStock

Follow Us:

Follow Us:

राज्यातील आदिवासींसाठी शासनाकडून महत्वाचा निर्णय घेण्यात आला आहे. आदिवासी जिल्ह्यांमध्ये आदिवासी कुटुंबाच्या परसबागेत फळझाडे व भाजीपाला लागवडीची योजना सन 2024-25 मध्येही राबविणार आहे. या योजनेसाठी  40 लाख रुपये एवढ्या निधीच्या कार्यक्रमास प्रशासकीय मान्यता देण्यात आली आहे, याबाबतचा शासन निर्णय आज निर्गमित करण्यात आला आहे.

राज्यातील ठाणे, पालघर ,पुणे, नाशिक, धुळे, नंदुरबार, जळगाव, अहमदनगर, नांदेड, यवतमाळ, गडचिरोली, चंद्रपूर ,अमरावती व गोंदिया या 14 जिल्ह्यातील आदिवासी कुटुंबाच्या परसबागेत फळझाडे व भाजीपाला लागवडीची योजना सन २०२४-२५ मध्ये राबविण्यासाठी अर्थसंकल्पित केलेल्या 40 लाख रुपये एवढ्या निधीच्या कार्यक्रमाला प्रशासकीय मान्यता देण्यात आली आहे.

आदिवासी घटक कार्यक्रमांतर्गत राज्यातील 14 जिल्ह्यातील आदिवासी भागात कुपोषणाची समस्या आहे. या कुपोषणाचे प्रमाण कमी करण्याच्या उद्देशाने व आदिवासी बांधवांना पौष्टिक आहार पुरवण्यासाठी, आदिवासी कुटुंबाच्या परसबागेत पौष्टिक भाजीपाला व फळांची निवड करून त्याची लागवड करण्यास प्रोत्साहन देण्यासाठी “आदिवासी कुटुंबाच्या परसबागेत फळझाडे व भाजीपाला लागवड” ही योजना राज्यात राबविण्यात येते.

योजनेच्या लाभार्थींची निवड:

• आदिवासी भागातील  कुपोषण ग्रस्त गावातील आदिवासी कुटुंबाकडे शेतजमीन किंवा परसबाग उपलब्ध असेल असे लाभार्थी निवडले जातात.
• ज्या आदिवासी कुटुंबात कुपोषीत बालके असतील अशा आदिवासी  कुटुंबाला योजने अंतर्गत प्राधान्याने लाभ देण्यात येतो.
• या योजनेचा आदिवासी कुटुंबाने यापूर्वी या योजनेचा लाभ घेतलेला नसावा.
• ज्या जिल्ह्यातील सर्व आदिवासी शेतकरी यांना यापूर्वी योजनेचा लाभ घेतला असेल तर, चक्रीय पद्धतीने किमान 5 वर्षाच्या कालावधीनंतर पुनश्च लाभ देण्यात यावा.

योजनेत  दिली जाणारी फळझाडे कलमे/रोपे आणि भाजीपाला बियाणे 

फळझाडे व भाजीपाला लागवड योजनेत चिकू,आंबा, पेरू, दोडका, गवार, मेथी , पालक, दुधी भोपळा तसेच इतर भाजीपाला उदा.अळू, वांगी इ .स्थानिक गरजेनुसार आवश्यक मागणी असलेली फळझाडांची कलमे, रोपे  आणि भाजीपाला रोपे आणि बियाणे पुरविण्यात येतात.

Web Title: Governments decision for tribals in the state approval of a fund of forty lakh rupees for backyard

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com