संपूर्ण देशात कोरोना विषाणूचा प्रादुर्भाव मोठ्या संख्येने होत आहे. आज १९ जुलै रोजी गेल्या २४ तासांत देशात तब्बल ३८ हजार ९०२ इतक्या नव्या रूग्णांची नोंद करण्यात आली आहे. तर ५४३ जणांचा मृत्यू झाल्याची माहिती समोर आली आहे. देशात गेल्या २४ तासांत कोरोना रूग्णवाढीचा आतापर्यंतचा सर्वात मोठा उच्चांक आहे. त्यामुळे देशातील एकूण कोरोनाबाधितांची संख्या पाहता १० लाख ७७ हजार ६१८ वर गेली आहे.
Highest single day spike of 38,902 cases and 543 deaths reported in India in the last 24 hours. Total #COVID19 positive cases stand at 10,77,618 including 3,73,379 active cases, 6,77,423 cured/discharged/migrated and 26,816 deaths: Ministry of Health and Family Welfare pic.twitter.com/u8im5qLQcI — ANI (@ANI) July 19, 2020
केंद्रीय आरोग्य मंत्रालयाने दिलेल्या माहितीनुसार, देशात ३ लाख ७३ हजार ३७९ जणांवर उपचार सुरू आहेत. तर कोरोनामुळे २६ हजार ८१६ जणांचा मृत्यू झाला आहे. त्याचप्रमाणे ६ लाख ७७ हजार ४२३ जण बरे होऊन त्यांना डिस्चार्ज देण्यात आला आहे. कोरोनाच्या पार्श्वभूमीवर देशात १८ जुलैपर्यंत १ कोटी ३७ लाख ९१ हजार ८६९ नमूण्यांची तपासणी करण्यात आलेली आहे.
अमेरिकेत आतापर्यंत ३८ लाख ३३ हजार २७१ जणांना कोरोनाची लागण झाली आहे. तर १ लाख ४२ हजार जणांचा मृत्यू झाला आहे. अमेरिकेनंतर ब्राझीलमध्ये देखील कोरोनाचा विळखा घट्ट बसला आहे. ब्राझीलमधील कोरोनाबाधितांची एकूण संख्या आता २० लाखांच्या वर गेली आहे. तसेच राज्यातही कोरोना रूग्णांच्या संख्येत झपाट्याने वाढ होताना दिसत आहे.
