Leopard Attack: शेतातून बिबट्या आला अन् 5 वर्षीय चिमुरडीला थेट…; कुठे घडली हृदयद्रावक घटना?

अहिल्यानगर जिल्ह्यात ११५० बिबटे असल्याचा अंदाज असून यापैकी २५ बिबटे पकडले आहेत. यावरून वनविभागाच्या हलगर्जीपणावर मंत्री विखे पाटील यांनी संताप व्यक्त केला.

अहिल्यानगर तालुक्यातील खारेकर्जुने येथील घटना
अंत्यविधी न करण्याचा ग्रामस्थांचा निर्णय 
शाळा बंद ठेवण्याचा खारेकर्जुने ग्रामस्थांचा निर्णय

अहिल्यानगर:  खारेकर्जुने (ता. अहिल्यानगर) येथे बिबट्याने बुधवारी सायंकाळी उशीरा रियंका (वय ५) या चिमुरडीला उचलून नेत जिवे ठार मारले. या घटनेने संतापलेल्या ग्रामस्थांनी गुरुवारी (दि. १३) गाव, शाळा बंद ठेवण्याचा निर्णय घेतला.  बिबट्या जेरबंद होत नाही, तो पर्यत मुलीवर अंत्यविधी न करण्याचा निर्णय संतप्त ग्रामस्थांनी घेतला आहे. आक्रमक ग्रामस्थांमुळे काही काळ तणाव निर्माण झाला.

खारेकर्जुने येथे बुधवारी सायंकाळी सातच्या सुमारास शेतात शेकोटी करत असताना तुरीच्या शेतातून बिबट्या आला. त्याने रियांका सुनिल पवार या मुलीला उचलून धूम ठोकली. या घटनेमुळे गावासह परिसरात भीतीचे वातावरण पसरले आहे. रात्रभर मुलीचा शोध ग्रामस्थांनी घेतला. गुरुवारी सकाळी येथील शाळेच्या मागील बाजूस हिंगणगाव रस्त्यालगत मुलीचा मुतदेह सापडला. बिबट्याने मुलीच्या हाता-पायाला जखमा केल्याचे दिसून आले. घटनेच्या निषेधार्थ खारेकर्जुने ग्रामस्थांनी बैठक घेतली.

Pune Leopard Attack: तीन जणांचा जीव घेणारा नरभक्षक बिबट्या ठार; शार्प शूटर पथकाने थेट…

बिबट्या जेरबंद होत नाही तोपर्यंत गाव बंद ठेवण्यात येईल, मुलीचा अंत्यविधी केला जाणार नाही, शाळा बंद ठेवणार असे निर्णय ग्रामस्थांनी घेतले. बिबट्याच्या हल्ल्यात ठार झालेल्या मुलीच्या नातेवाईकांना शासकीय मदत मिळावी या मागणीचे निवेदन पंचायत समितीचे माजी उपसभापती डॉ. दिलीप पवार यानी तहसीलदार संजय शिंदे यांना दिले.