मनसेच्या नेत्यांची देवेंद्र फडणवीसांसोबत गुप्त भेट; युतीच्या चर्चांना उधाण!

मनसेच्या तीन नेत्यांनी उपमुख्यमंत्री देवेंद्र फडणवीस यांची भेट घेतल्याची माहिती समोर आली आहे. त्यामुळे सध्या राज्याच्या राजकारणात एकच चर्चा सुरू आहे.

file photo

Follow Us:

Follow Us:

मुंबई:  येत्या काळात लोकसभा निवडणूक असल्याने सध्या राज्याच्या राजकारणात काही ना काही घडामोडी घडत आहेत. यामुळे काही ना काही चर्चांना उधाण येत असतं. सध्या अशाच एका घडमोडीनं सगळ्याचं लक्ष वेधलं आहे. ती म्हणजे भाजप आणि मनसे नेत्यांमध्ये झालेली बैठक. मनसेच्या महत्त्वाच्या नेत्यांनी भाजपचे नेते आणि उपमुख्यमंत्री देवेंद्र फडणवीस यांच्यात गुप्त बैठक (MNS Leader Meet BJP Leader) झाल्याची माहिती समोर आली आहे. त्यामुळे आता भाजप आणि मनसे युतीच्या चर्चांनी जोर धरला आहे.

[read_also content=”‘हे’ आहे जगातील सर्वात महाग गुलाबाचं फूल, किंमत आहे 130 कोटी! https://www.navarashtra.com/lifestyle/rose-day-2024-valentine-week-juliet-rose-most-expensive-flower-of-world-130-crore-505199.html”]

मनसेचे नेते संदीप देशपांडे, बाळा नांदगावकर, नितीन सरदेसाई यांनी उपमुख्यमंत्री देवेंद्र फडणवीस यांची भेट घेतली. भेटीमागचं नेमकं कारण दोन्ही बाजूंकडून सांगण्यात आलेलं नाही. गेल्या काही दिवसांमध्ये मनसे अध्यक्ष राज ठाकरे आणि उपमुख्यमंत्री देवेंद्र फडणवीस बऱ्याचदा एका व्यासपीठावर दिसले. तेव्हाही युतीची चर्चा रंगली. भाजपच्या नेत्यांनीही राज यांची अनेकदा भेट घेतली.

Web Title: Mns leader meet bjp leader in mumbai nrps

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com