दिल्लीतून फक्त एक फोन आला अन् महाडिकांनी उमेदवारी अर्ज घेतला मागे; सतेज पाटील बिनविरोध

भाजप-महाविकास आघाडीमध्ये विधान परिषद जागांबाबत (Legislative Council Election) बिनविरोधचा फॉर्म्युला ठरल्यामुळे राज्यामधील विधानपरिषद निवडणुका बिनविरोध झाल्या. आज दिल्लीत केंद्रीय गृहमंत्री अमित शहा (Amit Shah) यांच्या उपस्थितीत झालेल्या बैठकीत महाराष्ट्रातील विधान परिषद निवडणूक बिनविरोध करण्यावर अखेर शिक्कामोर्तब झाला.

Follow Us:

Follow Us:

कोल्हापूर : भाजप-महाविकास आघाडीमध्ये विधान परिषद जागांबाबत (Legislative Council Election) बिनविरोधचा फॉर्म्युला ठरल्यामुळे राज्यामधील विधानपरिषद निवडणुका बिनविरोध झाल्या. आज दिल्लीत केंद्रीय गृहमंत्री अमित शहा (Amit Shah) यांच्या उपस्थितीत झालेल्या बैठकीत महाराष्ट्रातील विधान परिषद निवडणूक बिनविरोध करण्यावर अखेर शिक्कामोर्तब झाला. या निवडणुकीत राज्याचे लक्ष लागून राहिलेली ‘हाय व्होल्टेज’ समजली जाणारी ‘पाटील-महाडिक’ लढत बिनविरोध झाल्यामुळे काँग्रेस कार्यकर्त्यांमध्ये जल्लोष सुरु झाला आहे.

गेल्या काही दिवसांपासून विधान परिषदेच्या महाराष्ट्रातील सर्वच जागा बिनविरोध करण्याच्या जोरदार हालचाली सुरू होत्या. भाजप- महाविकास आघाडीमध्ये याबाबतचा ‘समझोता एक्स्प्रेस’ चालू होता. भाजपचे प्रदेशाध्यक्ष चंद्रकांत पाटील यांनी गुरुवारी रात्री अमित शहा यांची दिल्ली येथे भेट घेऊन याबाबत सविस्तर चर्चा केली होती. त्यांच्या पाठोपाठ आज विरोधी पक्ष नेते देवेंद्र फडणवीसही दिल्लीमध्ये दाखल झाले होते. त्यामुळे विधान परिषदेच्या निवडणुका बिनविरोध होणार या निर्णयाला बळ आले होते. त्याप्रमाणे, आज राज्यातील सर्व विधान परिषद निवडणुका बिनविरोध करण्याच्या निर्णयावर शिक्कामोर्तब करण्यात आले.

कोल्हापूर विधान परिषदेची निवडणूक म्हटली की ‘पाटील-महाडिक’ यांची लढत डोळ्यासमोर येते. कोल्हापुरात पालकमंत्री सतेज पाटील व माजी आमदार अमल महाडिक यांच्यात इर्ष्येची लढाई होणार होती. गेल्या वेळी पालकमंत्री सतेज पाटील (Satej Patil) यांनी महादेवराव महाडिक यांचा पराभव करून विधानपरिषदेत एंट्री केली होती. कोल्हापूर जिल्ह्यात राजकीय वर्चस्वासाठी पाटील आणि महाडिक यांच्यात लढतीमुळे राजकीय वातावरण तापले होते. पण भाजप-महाविकास आघाडीमध्ये विधान परिषद जागांबाबत बिनविरोधचा फॉर्म्युला ठरल्यामुळे अर्ज माघारीसाठी कोल्हापुरातील महाडिक कुटुंबाला भाजपने दिल्लीहून फोन केला. त्याप्रमाणे अमल महाडिक आणि शौमिका महाडिक यांनी आपला उमेदवारी अर्ज मागे घेतला. त्यामुळे कोल्हापुरात पालकमंत्री सतेज पाटील यांची विधानपरिषदेत बिनविरोध निवड झाली.

भाजप उमेदवार अमल महाडिक यांनी आपला अर्ज माघार घेतल्यानंतर संपूर्ण शहरात विकास आघाडीच्या कार्यकर्त्यांनी फटाक्यांची भव्य आतिषबाजी करत गुलालाची उधळण करून एकच जल्लोष केला. तर अजिंक्यतारा येथे सतेज पाटील यांच्या कार्यालयात संपूर्ण जिल्ह्यातून महाविकास आघाडीचे कार्यकर्ते तसेच पदाधिकारी नेते आणि गर्दी केली होती. निवडणूक बिनविरोध झाल्यानंतर आघाडी कार्यकर्त्यांच्यात आनंदाचे व उत्साहाचे वातावरण पसरले आहे.

Web Title: Satej patil win unopposed in kolhapur legislative council election nrka

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com