गौतम गंभीर यांनी फिल्डींग कोचसाठी सुचवलेले नाव BCCI कडून रिजेक्ट; काय आहे कारण; वाचा सविस्तर

भारतीय संघाचा कोच बनलेला गौतम गंभीर आता सपोर्टींग स्टाफची तयारी करतोय परंतु, गौतम गंभीरने फिल्डींग कोचसाठी सुचवलेले नाव बीसीसीआयने रिजेक्ट केले आहे. त्याचे कारण आपण जाणून घेणार आहोतच तत्पूर्वी गौतम गंभीरने गोलंदाजी कोचसाठी सुचवलेले नावदेखील बीसीसीआयकडून रद्द करण्यात आले होते या ऐवजी एल बालाजी आणि झहीर खान यांच्या नावाचा विचार करायला सांगितला आता क्षेत्ररक्षणासाठी कोण होणार कोच. 

New Fielding Coach of Team India : बीसीसीआयचे सचिव जय शाह यांनी मंगळवारी 9 जुलै रोजी संध्याकाळी भारतीय संघाच्या नवीन मुख्य प्रशिक्षकाच्या नावाची अधिकृत घोषणा केली. भारतीय क्रिकेट संघाचा माजी सलामीवीर गौतम गंभीरला टीम इंडियाचे नवे मुख्य प्रशिक्षक बनवण्यात आले आहे. आता गौतम गंभीरला जॉन्टी रोड्सला टीम इंडियाचा फिल्डिंग कोच बनवायचा होता. मात्र, बीसीसीआयने त्यांची विनंती फेटाळून लावली आहे.

बीसीसीआयला सर्व सपोर्टींग स्टाफ भारतीयच हवाय

गोतम गंभीरला जॉन्टी रोड्सला टीम इंडियाचे क्षेत्ररक्षण प्रशिक्षक बनवायचे होते परंतु बीसीसीआयने त्याची विनंती मान्य केली नाही. कारण संघातील सर्व कर्मचारी भारतीय असावेत, अशी बीसीसीआयची इच्छा आहे. यामध्ये कोणत्याही परदेशी खेळाडूचा समावेश करू नये. आम्ही तुम्हाला सांगतो की जॉन्टी रोड्सला जगातील सर्वोत्तम क्षेत्ररक्षक मानले जाते. त्याने 2022 आणि 2023 च्या आयपीएलमध्ये लखनौ सुपरजायंट्ससाठी काम केले आहे. तिथे त्याच्यासोबत गौतम गंभीरही होता.

उत्कृष्ट क्षेत्ररक्षणासाठी परिचित
जगातील महान क्षेत्ररक्षक आणि दक्षिण आफ्रिकेचा दिग्गज मानला जाणारा जॉन्टी रोड्स 1992 ते 2003 या कालावधीत दक्षिण आफ्रिकेसाठी 52 कसोटी आणि 245 एकदिवसीय सामने खेळला. त्याने कसोटीत 35.66 आणि एकदिवसीय सामन्यांमध्ये 35.11 च्या फलंदाजीच्या सरासरीने 8,000 हून अधिक धावा केल्या. जॉन्टी रोड्स  त्याच्या उत्कृष्ट क्षेत्ररक्षणासाठी ओळखला जातो.

फक्त टी दिलीप क्षेत्ररक्षण प्रशिक्षक राहू शकतात
एका अहवालात असेही म्हटले आहे की टी दिलीप क्षेत्ररक्षण प्रशिक्षक म्हणून आपली भूमिका कायम ठेवतील. गेल्या मोसमातील त्याचे काम अप्रतिम होते. मात्र, बीसीसीआयने अद्याप सपोर्ट स्टाफच्या नियुक्तीबाबत अधिकृत घोषणा केलेली नाही आणि लवकरच निर्णय घेतला जाईल. संघाच्या नवीन सपोर्टिंग स्टाफमध्ये कोण सामील होते हे पाहणे मनोरंजक असेल.