वयाच्या 70 व्या वर्षी महिलेने IVF द्वारे दिला बाळाला जन्म, वाढत्या वयात आयव्हीएफ ट्रीटमेंट यशस्वी ठरते का?

गुजरातमध्ये जिवुनबेन रबारी नावाच्या ७० वर्षीय महिलेने IVF द्वारे गोंडस मुलाला जन्म दिला आहे. वाढत्या वयात आयव्हीएफ शस्त्रक्रिया यशस्वी ठरते? का याबद्दल सविस्तर माहिती सांगणार आहोत. जाणून घ्या सविस्तर.

लग्नाच्या ४५ वर्षांनंतर आयव्हीएफद्वारे जन्म शक्य आहे का?
आयव्हीएफद्वारे वाढत्या वयात मुलं होते का?
कोणत्या वयात आयव्हीएफ यशस्वी ठरते?

आई होणे ही भावना सर्वच महिलांसाठी अतिशय सुखद आणि आनंद देणारी आहे. नऊ महिने पोटात आई बाळाचा अतिशय प्रेमाने आणि आंनदाने सांभाळ करते. पण गुजरातमध्ये जिवुनबेन रबारी नावाच्या ७० वर्षीय महिलेने IVF (इन विट्रो फर्टिलायझेशन) द्वारे आपल्या पहिल्या बाळाला जन्म दिला आहे. तिचे लग्न होऊन ४५ वर्षे झाली होती. बाळाची प्रसूती सिझेरियन पद्धतीने झाली असून आई आणि मूल दोघेही निरोगी असल्याची माहिती देण्यात आली आहे. तिचा नवरा 75 वर्षांचा आहे. या जोडप्याला मुलाची इच्छा होती, ज्याने असामान्य वय असूनही आयव्हीएफ प्रक्रियेस प्रेरित केले. तिची मासिक पाळी नियमित करण्यासाठी आणि गर्भधारणेसाठी गर्भाशय तयार करण्यासाठी डॉक्टरांना IVF आधी तिच्यावर काही पूर्वतयारी उपचार करावे लागले. वयाच्या ७० व्या वर्षी बाळाला जन्म देणारी जीवुबेन जगातील सगळ्यात वयस्कर महिला असल्याचा दावा करण्यात आला आहे.(फोटो सौजन्य – istock)

खराब कोलेस्ट्रॉलमुळे हृदयाच्या रक्तपुरवठा बंद झाला आहे? रक्तवाहिन्या स्वच्छ करण्यासाठी नियमित करा ‘या’ पदार्थांचे सेवन

बऱ्याचदा महिलांचे वय वाढल्यानंतर बाळाला जन्म देण्याच्या प्रक्रियेत अनेक अडथळे निर्माण होतात. अनियमित मासिक पाळी, शरीरात सतत होणारे हार्मोन्सचे असंतुलन, वाढत मानसिक तणाव, पोषक घटकांचा अभाव इत्यादी अनेक गोष्टींच्या परिणाम महिलांच्या आरोग्यावर लगेच दिसून येतो. शारीरिक आणि मानसिक आरोग्य बिघडल्यानंतर संपूर्ण शरीराला हानी पोहचते. जीवुबेन आणि मालधारी यांच्या लग्नाला ४५ वर्ष पूर्ण झाली होती. मात्र तरीसुद्धा त्यांना मुलं झाले नाही. काही गुंतागुंतींमुळे मुलं होण्याच्या प्रक्रियेत अनेक अडथळे निर्माण होत होते. मात्र या जोडप्याने आयव्हीएफ तंत्रज्ञानाद्वारे गोंडस मुलाला जन्म दिला आहे. वय वाढल्यानंतर आणि काही गुंतागुंतीमुळे मूल होणे कठीण होऊन जाते. पण आयव्हीएफ तंत्रज्ञानामुळे मुलं होणे शक्य झाले आहे.

जीवुबेन जगातील सर्वात वयस्कर आई आहे का?

जीवुबेन ही जगातील सगळ्यात वयस्कर महिलांपैकी एक असून तिने वाढत्या वाईट बाळाला जन्म दिला आहे. २००९ मध्ये यूकेच्या एलिझाबेथ आदिनी यांच्या नावावर जगातील सगळ्यात वयस्कर आई, असा विक्रम नोंदवण्यात आला आहे. आयव्हीएफ तंत्रज्ञानाचा वापर करून मुलाचा जन्म देणे शक्य झाले आहे. पण वाढत्या वयात आयव्हीएफ तंत्रज्ञानाचा महिलांसाठी उपलब्ध नाही. म्हणून एलिझाबेथला युक्रेनला जावे लागले होते.

आतड्यांमध्ये कुजलेल्या घाणीमुळे पोटात कायमच जडपणा जाणवतो? मग सकाळी उठल्यानंतर नियमित प्या ओव्याचा काढा

वाढत्या वयात आयव्हीएफ ट्रीटमेंट यशस्वी ठरते का?

वय वाढल्यानंतर आयव्हीएफ शस्त्रक्रिया यशस्वी होण्याची शक्यता काहीशी कमी असते. पण ही शस्त्रक्रिया अशक्य सुद्धा नाही. महिलांचे वय वाढल्यानंतर स्त्रीच्या शरीरातील अंड्यांची गुणवत्ता आणि प्रमाण कमी होऊन जाते. यामुळे यशस्वी गर्भधारणा होणे काहीवेळा शक्य होत नाही. ३५ ते ४० या वयोगटातील यशाचा दर मध्यम असतो.: ज्या महिलांचे वय जास्त आहे आणि त्यांच्या अंड्यांची गुणवत्ता चांगली नाही, अशा महिलांसाठी डोनर अंड्यांचा वापर करून आयव्हीएफ करणे फायद्याचे ठरते. तसेच प्री-इम्प्लांटेशन जेनेटिक स्क्रीनिंग केल्यामुळे गर्भाची अनुवांशिक तपासणी केली जाते. या चाचणीमुळे योग्य क्रोमोसोम असलेल्या भ्रूणांची निवड करून यशस्वी गर्भधारणा केली जाते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.