त्वचेच्या सर्व समस्या होतील चुटकीसरशी होतील गायब! पपईच्या सालींचा ‘या’ पद्धतीने करा वापर, चेहऱ्यावर येईल तारुण्य

पपईच्या सालीचा वापर कशा पद्धतीने करावा?

पपई स्वच्छ धुवून कापताना त्याची साल सुद्धा हळुवारपणे काढली जाते. काढून घेतलेली साल एकत्र जमा करून पाण्याने स्वच्छ धुवून घ्या. त्यानंतर कॉटनच्या कपड्यावर साल २ ते ३ दिवस कडक होईपर्यंत सुकवून घ्या. साल पूर्णपणे कडक झाल्यानंतर मिक्सरच्या भांड्यात टाकून बारीक वाटून घ्या. तयार केलेली पावडर काचेच्या डब्यात भरून ठेवा.

फेसपॅक तयार करण्यासाठी वाटीमध्ये पपईच्या सालीची पावडर घेऊन त्यात कच्चे दूध, हळद आणि मध घालून पेस्ट तयार करा. तयार केलेली पेस्ट व्यवस्थित मिक्स करून संपूर्ण चेहऱ्यावर आणि मानेवर लावून काहीवेळ तशीच ठेवा. त्यानंतर हातांना पाणी लावून हलक्या हाताने चेहऱ्यावर मसाज करा. यामुळे चेहऱ्यावर जमा झालेली डेड स्किन नष्ट होईल आणि त्वचा अतिशय उजळदार, सुंदर दिसेल. पपईच्या सालीचा फेसपॅक आठवड्यातून दोनदा किंवा तीनदा चेहऱ्यावर लावल्यास त्वचेच्या बऱ्याच समस्यांपासून सुटका मिळेल आणि चेहरा अतिशय उजळदार सुंदर दिसेल.

आजीबाईच्या बटव्यातील गुणकारी उपाय! चेहऱ्यावरील डाग घालवण्यासाठी संत्र्याच्या सालीचा ‘या’ पद्धतीने करा वापर

पपईच्या सालीचे त्वचेला होणारे फायदे:

पपईच्या सालीचा वापर त्वचेसंबंधित समस्यांपासून आराम मिळवण्यासाठी केला जातो. यामध्ये असलेल्या गुणधर्मांमुळे नैसर्गिकरित्या एक्सफोलिएशन, मॉइश्चरायझेशन मिळते. तसेच त्वचेची खराब झालेली गुणवत्ता सुधारण्यासाठी पपईच्या सालींचा वापर करावा. यामध्ये असलेले पापेन नावाचे एन्झाइम त्वचेचा रंग सुधारण्यास मदत करते आणि त्वचेला तरुण व तेजस्वी ठेवते. यामध्ये असलेल्या नैसर्गिक एक्सफोलिएशन आणि अँटीऑक्सिडंट्समुळे चेहऱ्यावर वाढलेल्या सुरकुत्या कमी होतात आणि वयापेक्षा त्वचा जास्त तरुण दिसते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या