Amarnath Yatra 2026 : या तारखेपासून सुरू होणार अमरनाथ यात्रा, जाणून घ्या घरबसल्या रजिस्ट्रेशनची प्रोसेस

Amarnath Yatra Registration Process: भारतातील सर्वात मोठी यात्रा अमरनाथ यात्रा आता लवकरच सुरु होणार आहे. यासाठीचे रजिस्ट्रेशन सुरु करण्यात आले असून यात्रेकरु ऑनलाइन आणि ऑफलाइन दोन्ही प्रकारे बुकिंग करु शकतात.

• अमरनाथ यात्रा लवकरच सुरू होणार असून नोंदणी प्रक्रिया सुरु आहे.
• यात्रेसाठी ऑनलाइन आणि ऑफलाइन रजिस्ट्रेशनसह आरोग्य प्रमाणपत्र अनिवार्य आहे.
• पहलगाम आणि बाल्टाल असे दोन मार्ग उपलब्ध असून RFID कार्ड आवश्यक आहे.

भारतातील सर्वात मोठ्या यात्रांपैकी एक म्हणून ओळखली जाणारी अमरनाथ यात्रा यावर्षी लवकरच सुरु होणार असल्याची माहिती आहे. जम्मू-काश्मीरमधील हिमालयात ३,८८८ मीटर उंचीवर वसलेल्या पवित्र गुहेतील बर्फाच्या शिवलिंगाच्या दर्शनासाठी ही यात्रा केली जाते. ही एक अत्यंत कठीण धार्मिक यात्रा मानली जाते. श्री अमरनाथ तीर्थक्षेत्र मंडळ या तीर्थयात्रेचे आयोजन करते. यावेळी नियमांची काटेकोरपणे अंमलबजावणी केली जाते. भाविकांना आता यंदाच्या अमरनाथ यात्रेची ओढ लागली असून याची तारीख आता समोर आली आहे. माहितीनुसार, यंदा १५ एप्रिल २०२६ पासून अमरनाथ यात्रेला सुरुवात करण्यात येणार आहे. यासाठी रजिस्ट्रेशन प्रकिया सुरु आहे. तुम्ही ऑनलाइन आणि ऑफलाइन अशा दोन्ही प्रकारे घरबसल्या यात्रेची नोंदणी करु शकता. चला याविषयी सविस्तर जाणून घेऊया.

हेलिकॉप्टरने फक्त इतक्या रुपयांत पोहचू शकता बाबा केदारनाथ यांच्या दरबारी, बुकिंगची संपूर्ण प्रोसेस जाणून घ्या

रजिस्ट्रेशन कसे करावे?

ऑनलाइन प्रोसेस

तुम्हीही जर अमरनाथ तीर्थयात्रेला जाण्याचा प्लॅन करत असाल यासाठी तुमचे रजिस्ट्रेशन फार महत्त्वाचे आहे. ऑनलाइन नोंदणी अधिकृत वेबसाइट किंवा मोबाइल ॲपद्वारे करता येते. यासाठी मोबाईल नंबर आणि ईमेलद्वारे व्हेरिफिकेशन करणे आवश्यक असेल. यात तुम्हाला निवार्य आरोग्य प्रमाणपत्र आणि ८ एप्रिल २०२६ नंतर काढलेला पासपोर्ट-आकाराचा फोटो अपलोड करणे बंधनकारक आहे.

ऑफलाइन प्रोसेस

यात्रेची ऑफलाइन नोंदणी करायची असेल तर यासाटी तुम्हाला बँक शाखांंमध्ये अर्ज करावा लागेल. ही प्रक्रिया ‘प्रथम येणाऱ्यास प्रथम प्राधान्य’ या तत्वावर आधारित असेल. अर्ज करताना आरोग्य प्रमाणपत्र आणि आधार कार्डसारखा ओळखपत्र पुरावा तुम्हाला अनिवार्य असेल. बँकेत बायोमेट्रिक व्हेरिफिकेशन देखील केले जाईल. यासाठी प्रति व्यक्ती ₹150 शुल्क आकारले जाईल.

RFID कार्ड आहे आवश्यक

यात्रेदरम्यान तुमच्याकडे प्रत्येक यात्रेकरूने जम्मू आणि काश्मीरमधील नियुक्त केंद्रांवरून RFID कार्ड मिळवणे अनिवार्य आहे. या कार्डशिवाय तुम्हाला डोमेल किंवा चंदनवारीसारख्या प्रवेशद्वारांच्या पुढे प्रवास करण्याची परवानगी दिली जाणार नाही. त्यामुळे लक्षात ठेवा यात्रा करताना तुम्हाला हे कार्ड घ्यायचेच आहे. यात्रेत सामील होण्यासाठी काही निकश देखील असतात ज्याच्यांवर आधारित तुम्हाला यात्रेत सामील होण्यासाठी परवानगी दिली जाते. हे निकष आरोग्याच्या दृष्टीने तयार केलेले असतात कारण ही यात्रा एक खडतर यात्रा असल्याचे मानले जाते. यानुसार फक्त १३ ते ६० वयोगटातील भाविकांना यात्रेत समील होण्याची परवानगी असते. गर्भवती महिलांना, विशेषतः ज्या सहा आठवड्यांपेक्षा जास्त गर्भवती आहेत, त्यांना प्रवास करण्याची परवानगी नाही. याशिवाय प्रत्येक यात्रेकरुसोबत अधिकृत आरोग्य प्रमाणपत्र देखील असणे आवश्यक असते.

भक्तांसाठी आनंदाची बातमी! लवकरच खुले होणार बद्रीनाथ धामचे कपाट… या दिवसापासून घेता येणार दर्शन

प्रवासाच्या मार्गाची निवड

प्रवासासाठी दोन मुख्य मार्ग आहेत: पहलगाम आणि बाल्टाल. पहलगाम हा पारंपारिक सर्वात लांब मार्ग आहे जो अंदाजे ४६ किमीइतका असल्याचे सांगितले जाते. तर बाल्टाल हा लहान मार्ग आहे जो अंदाजे १४ किलोमीटरचा आहे. पण हा मार्ग पहलगामपेक्षा अधिक कठीण असल्याचे सांगितले जाते. याशिवाय ज्यांना चालण्यास त्रास होतो त्यांच्यासाठी या यात्रेत हेलिकॉप्टर सेवेची देखील सोय करण्यात येते. मार्गावर तंबू, निवास आणि इतर सेवा पुरवल्या जातात. यात्रेदरम्यान पर्वताची उंची आणि थंड हवामान आव्हानात्मक ठरु शकते. जाताना सीजननुसार योग्य कपड्यांची निवड करणे फायद्याचे ठरते.