उत्तर प्रदेशच्या नोएडात आहे रावणाचे गाव! इथे दसरा साजरा केला जात नाही तर शोक व्यक्त केला जातो

दसरा म्हटलं की रावण दहन आणि वाईटावर चांगल्याच्या विजयाची परंपरा डोळ्यांसमोर येते. मात्र, भारतात असं एक गाव आहे, जिथे दसऱ्याला रावण दहन करण्याऐवजी त्याची पूजा केली जाते. या गावाची परंपरा नेमकी काय आहे, जाणून घ्या.

• उत्तर प्रदेशातील या गावाचे नाव रावणाचे वडील ऋषी विश्रवा यांच्याशी जोडले जाते.
• गावातील लोक रावणाला आपला पूर्वज मानतात आणि दसऱ्याला त्याची पूजा करतात.
• या गावातील रावण मंदिर आणि प्राचीन शिवलिंगाची परंपरा विशेष मानली जाते.

काही दिवसांनी दसरा सण येणार आहे. या दिवशी देशभरात रावणाच्या पुतळ्याला जाळून सण साजरा केला जातो. वाईट विचारांचा चांगल्यावर विजय हा या सणाचा मूळ उद्देश असतो. यंदा २० ऑक्टोबर रोजी देशभरात दसरा सण साजरा केला जाणार आहे. पण तुम्हाला माहितीये का? देशात एक असे ठिकाणही आहे जिथे हा सण साजरा केला जात नाही. इथे रावण दहन तर दूरच या दिवशी रावणाप्रती शोक व्यक्त केला जातो. आम्ही तुम्हाला सांगतो की, या ठिकाणी रावणाचा जन्म झाला होता, म्हणजेच हे ठिकाण रावणाचे जन्मस्थळ आहे. उत्तर प्रदेशातील ग्रेटर नोएडा हे रावणाचे गाव आहे. इथे रावणाची पूजा केली जाते आणि दसऱ्यादिवशी त्याच्या जाण्याचा शोक व्यक्त केला जातो. इतकेच नाही तर इथे रावणाचे एक मंदिर देखील आहे.

Travel News : UNESCO च्या जागतिक वारसा स्थळांच्या यादीत भारताच्या 4 ठिकाणांचा समावेश!

गावाचे नाव काय आणि काय आहे इतिहास

उत्तर प्रदेश राज्यातील ग्रेटर नोएडा येथील बिसरख या गावात रावणाचे मंदिर पाहायला मिळते. या गावाचे नाव देखील रावणाच्या वडिलांशी जोडलेले आहे. इथे आजही रावणाची पूजा केली जाते. बिसरख हे नाव रावणाचे वडील, ऋषी विश्वराव यांच्या नावावरून ठेवण्यात आले आहे. मूळतः विश्वेश्वर म्हणून ओळखले जाणारे हे गाव नंतर सोयीसाठी बिसरख असे बदलण्यात आले.

शिवपुराणात आहे उल्लेख

मिळालेल्या माहितीनुसार, शिवपुराणमध्ये विश्वेश्वर गावाचा उल्लेख आढळतो. विश्वराव ऋषींनी येथे शिवलिंगाची स्थापना केली आहे असे या शिवपुराणात लिहिलेले आहे. रावण आणि त्याचे वडिल शंकराचे मोठे भक्त होते. रावणाच्या या मंदिरात एक पुजारीही आहे जो दररोज मंदिराची साफ-सफाई करतो आणि रावणाच्या मूर्तीला पोशाख घालतो. इथे लोक रावणाच्या दर्शनासाठी येतात. या गावात रावणाचा पुतळा नाही जाळला जात. दसऱ्याच्या दिवशी लोक रावणाच्या मंदिरात जातात, दर्शन घेतात आणि हवन-यज्ञात सामील होतात.

Travel News : जगातील एकमेव तरंगणारे उद्यान आहे भारतात! कुठे आहे ते जाणून घ्या

रावणाला मानतात आपले पूर्वज

माहितीनुसार, बिसरख गावातील लोक रावणाला आपले पूर्वज मानतात. हेच कारण आहे की, इथे रावण दहन केले जात नाही. मंदिरात रावणाच्या अनेक प्रतिमा लावण्यात आल्या आहेत. इथे आतल्या बाजूला प्राचीन अष्टभूमी शिवलिंग ठेवण्यात आला आहे, ज्यावर लोक पाणी अर्पण करतात.