Travel News : जगातील एकमेव तरंगणारे उद्यान आहे भारतात! कुठे आहे ते जाणून घ्या

भारतात एक असे अनोखे राष्ट्रीय उद्यान आहे, जे जमिनीवर नव्हे तर चक्क पाण्यावर तरंगते! निसर्गाची अद्भुत रचना, दुर्मिळ वन्यजीव आणि सुंदर दृश्यांमुळे हे ठिकाण पर्यटकांचे लक्ष वेधून घेते.

• मणिपूरमधील या राष्ट्रीय उद्यानाची रचना इतर उद्यानांपेक्षा वेगळी आहे.
• तलावावर तरंगणाऱ्या वनस्पतींच्या थरांमुळे येथे अनोखी परिसंस्था निर्माण झाली आहे.
• दुर्मिळ वन्यजीव आणि पाणपक्ष्यांमुळे हे ठिकाण जैवविविधतेसाठी महत्त्वाचे मानले जाते.

राष्ट्रीय उद्यानाचा विचार मनात आला की, आपल्याला डोळ्यांसमोर घनदट जंगले, उंच पर्वत आणि मैदानी पर्वतांचा विचार येतो. तथापि, तुम्हाला माहितीये का? देशात एक असे अनोखे क्षेत्र आहे जे या धारणेला चुकीचे ठरवते. इथले उद्यान पर्वतावर किंवा मैदानी परिसरात नसून चक्क पाण्यावर तरंगणारे हे उद्यान आहे. खरं तर, या उद्यानातील वन्यजीव तरंगणाऱ्या वनस्पतींमध्ये संचार करतात आणि संपूर्ण परिसंस्था एखाद्या विशाल गोड्या पाण्याच्या सरोवरावर तरंगत असल्यासारखी दिसते. हे आपल्याला अविश्वसनीय वाटू शकते पण सत्यात अशी जागा भारताच्या मणिपूर राज्यात वसली आहे. हे देशातील प्रमुख वन्यजीव अधिवासांपैकी एक आहे.

Travel News : UNESCO च्या जागतिक वारसा स्थळांच्या यादीत भारताच्या 4 ठिकाणांचा समावेश!

लोकटक तलाव

मणिपूर राज्यातील पाण्यावर तरंगणारे हे राष्ट्रीय उद्यान लोकटक तलावावर आहे. या उद्यानाचे नाव आहे केबुल लामजाओ. तुम्हाला जाणून आश्चर्य वाटेल पण असे तलाव जगभरात तुम्हाला इतर कोणत्याही ठिकाणी पाहायला मिळणार नाही. या उद्यानाची सर्वात खास गोष्ट म्हणजे ‘फुम्डीवर’ (तरंगणाऱ्या फांद्या) हे उद्यान उभे आहे. स्थानिकांच्या मते, फुम्डी ही एक पाण्यात तरंगणारी वनस्पती आहे. तलावात तुम्हाला अशा अनेक फुम्ड्या दिसून येतील. याच्या आधारेच तुम्ही पाण्यावर तरंगत तलावाचा विहार करु शकता. कालांतराने साचलेल्या वनस्पती, माती आणि सेंद्रिय पदार्थांनी ही फुम्डी तयार झालेली असते.

जगातील सर्वात बेस्ट देशांची यादी आली समोर, पहिल्या स्थानावर ग्रीस तर भारताचा कितवा क्रमांक?

लोकटक तलावाची खासियत

भारताच्या पूर्व भागात हे लोकटक तलाव वसले आहे. तलावाच्या पाण्यावर तरंगणारी फुम्डी या तलावाची खास ओळख आहे. काही लोक या तरंगत्या रचनांवरच राहतात. तुम्हाला फुमड्यांवर ‘फुमसांग’ नावाच्या पारंपारिक झोपड्या दिसून येतील. येथील दृष्य पाहताना फार छान दिसते. फिरायला जात असाल तर इथे तुम्ही निसर्गाच्या सानिध्यात सुदंर फोटोज किंवा व्हिडिओज क्लिक करु शकता. पर्यटक इथे नौकाविहार आणि जलक्रीडांचा आनंद लुटु शकता. तुम्हाला इथे तपकिरी शिंगांचे हरीण ज्यांना संगाई हिरण म्हणून ओळखले जाते, ते देखील पाहायला मिळतील. इथे अनेक प्रकारचे पानपक्षी देखील पाहायला मिळतात. एकंदरीतच निसर्गाची आवड असेल आणि शांत ठिकाणी फिरण्याचा विचार करत असाल तर पाण्यावर तरंगणारे हे उद्यान तुमच्यासाठी चांगला पर्याय ठरेल.