इंडोनेशिया ते थायलंड… जगभरातील या देशांमध्ये मोठ्या जल्लोषात साजरा होते रामलीला

नवरात्री आणि दसऱ्याच्या काळात भारतात रामलीलेचे आयोजन मोठ्या उत्साहात केले जाते. मात्र, रामायणाची परंपरा केवळ भारतापुरती मर्यादित नसून जगातील अनेक देशांमध्येही ती नृत्य, संगीत आणि नाट्याच्या माध्यमातून जपली जाते.

• इंडोनेशियातील जावा आणि बाली येथे रामायणावर आधारित नृत्य व नाट्यप्रयोग सादर केले जातात.
• थायलंडमध्ये रामायणाला ‘रामकियन’ म्हणून ओळखले जाते, तर कंबोडियात ‘रीमकेर’ ही परंपरा प्रसिद्ध आहे.
• त्रिनिदाद आणि टोबॅगो तसेच गयानामध्ये भारतीय वंशाच्या समुदायांनी रामलीलेची परंपरा जपली आहे.

शारदीय नवरात्रीत देशभरात रामलीला सादर केली जाते. दसऱ्याला रावणाच्या दहनाने याची सांगता होते. भारताच्या अनेक भागांत रामलीला कार्यक्रम आयोजित केला जातो ज्याला लोकांची मोठी गर्दी जमते. पण तुम्हाला माहितीये का? फक्त भारतातच नाही तर जगभरातील अनेक देशांमध्ये रामलीला सादर केली जाते आणि आनंदात उत्सव साजरा होतो. आज आपण या लेखात भारताव्यतिरिक्त आणखी कोणकोणत्या देशांत रामलीला उत्सव साजरा केला जातो याची सविस्तर माहिती जाणून घेणार आहोत.

Travel News : जगातील एकमेव तरंगणारे उद्यान आहे भारतात! कुठे आहे ते जाणून घ्या

इंडोनेशिया

फार कमी लोकांना हे ठाऊक असेल की इंडोनेशिया या देशात रामलीला आयोजित केले जाते. खरंतर हा एक मुस्लिम लोकसंख्या असलेला देश आहे, पण तरीही रामायण तिथल्या संस्कृतीत खोलवर रुजलेले आहे. इथे भगवान राम कोणत्या एका धर्माचे नसून ते मानवी आदर्शांचे प्रतीक मानले जाते. इथे जावा आणि बालीमध्ये रामलीला सुंदर नृत्य आणि नाटक प्रदर्शदनातून सादर केली जाते.

थायलंड

खरंतर थायलंडच्या संस्कृतीमध्येही रामायणाचा खोलवर परिणाम पाहायला मिळतो. इथे रामायणाला रामकियन या नावाने ओळखले जाते, जे देशाचे राष्ट्रीय महाकाव्य देखील आहे. इथे रामायणातील प्रसंग खूप सुंदररित्या नृत्य आणि संगीताच्या तालावर सादर केले जातात. इथे रामायण सादर करताना कलाकार एक विशेष मुखवटा घालतात ज्याला खोन या नावाने ओळखले जाते.

कंबोडिया

कंबोडियाचा इतिहास हा हिंदू संस्कृतीशी जोडलेला मानला जातो. इथे रामायणाला रीमकेर या नावाने ओळखले जाते. येथील मंदिरांमध्ये आणि ऐतिहासिक ठिकाणी रामायणातील दृष्यांचे फार सुंदरपणे प्रदर्शन केले जाते. कलाकार सुंदर पोशाख आणि दागिने घालून रामलीला सादर करतात.

उत्तर प्रदेशच्या नोएडात आहे रावणाचे गाव! इथे दसरा साजरा केला जात नाही तर शोक व्यक्त केला जातो

त्रिनिदाद आणि टोबॅगो आणि गयाना

इतिहासानुसार, १९ व्या शतकात ब्रिटीश राजवटीत भारतातून करारबद्ध मजुरांना ऊसाच्या शेतात काम करण्यासाठी या देशांमध्ये पाठवण्यात आले. हे मजूर स्वत:साठी आपली संस्कृती देखील घेऊन गेले. त्यांनी देशामध्ये रामलीला सादर केली आणि तेव्हापासून ते इथे लोकप्रिय झाले.