पायांचे घोटे काळेकुट झाले आहेत? मग ‘हे’ घरगुती उपाय करून पाय करा स्वच्छ, काळे झालेले पाय होतील सुंदर

सॅडल, शूज किंवा इतर चप्पलचे डाग पायांवर तसेच राहतात. चप्पल लागल्यानंतर त्वचेला जखम होऊन त्वचेवर डाग तसेच राहतात. यामुळे बऱ्याचदा पायांची त्वचा काळवंडलेली दिसू लागते. सूर्याच्या किरणांमुळे त्वचा अधिक काळी आणि निस्तेज होऊन जाते. उन्हाळ्यात त्वचेचे मोठ्या प्रमाणावर नुकसान होते. त्यामुळे आज आम्ही तुम्हाला पायांची काळवंडलेली त्वचा उजळदार करण्यासाठी कोणती घरगुती उपाय करावे, याबद्दल सविस्तर माहिती सांगणार आहोत. चला तर जाणून घेऊया.

पायांचा काळेपणा घालवण्यासाठी घरगुती उपाय:

बटाटा आणि लिंबाचा रस:

बटाट्याच्या रसात असलेले गुणधर्म त्वचा उजळदार करतात. त्वचेची गुणवत्ता खराब झाल्यानंतर बटाट्याचा रस लावावा. याशिवाय लिंबाच्या रसात असलेले विटामिन सी त्वचा अधिक सुंदर आणि चमकदार करतात. लिंबू आणि बटाट्याचा रस एकत्र मिक्स करून त्वचेवर लावल्यास त्वचेचे काळे डाग निघून जाऊन त्वचा स्वच्छ होते. हे मिश्रण आठवड्यातून दोनदा पायांवर लावल्यास काळवंडलेले पाय स्वच्छ होतील. या पायांच्या त्वचेसाठी नैसर्गिक उपाय करावे.

घामोळ्यांचे औषध तुमच्या स्वयंपाकघरात! ‘हा’ घ्या रामबाण उपाय

संत्र आणि दुधाची साय:

सुंदर आणि उजळदार त्वचेसाठी विटामिन सी अतिशय महत्वाचे आहे. संत्र्याचा वापर त्वचेसाठी केल्यामुळे त्वचा स्वच्छ होते आणि सुंदर दिसू लागते. यासाठी वाटीमध्ये संत्र्याचा रस, दुधाची साय आणि चंदन पावडर घेऊन मिक्स करा. त्यानंतर तयार करून घेतलेले मिश्रण संपूर्ण पायांवर लावून हलक्या हाताने मसाज करा. मसाज करून झाल्यानंतर 10 मिनिटं पाय तसेच ठेवून नंतर पाण्याने स्वच्छ धुवून घ्या. यामुळे त्वचेवरील काळपटपणा कमी होईल आणि त्वचा अधिक सुंदर, उजळदार दिसू लागेल.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या