Skin Care Tips: वयाच्या ६० व्या वर्षी त्वचा दिसेल देखणी आणि तरुण! १० रुपयांच्या चिया सीड्सपासून घरीच तयार करा फेसमास्क

चेहऱ्यावर आलेल्या सुरकुत्या आणि बारीक रेषा कमी करण्यासाठी चिया सीड्स फेसमास्क लावावा. यामुळे त्वचा खूप जास्त उजळदार आणि सुंदर होते. चला तर जाणून घेऊया फेसमास्क बनवण्याची कृती.

वय वाढल्यानंतर त्वचेसंबंधित असंख्य समस्या उद्भवू लागतात. चेहऱ्यावर सुरकुत्या, त्वचा निस्तेज होणे, त्वचेवर डाग येणे, पिंपल्स आणि वांग येऊन त्वचा पूर्णपणे खराब होऊन जाते. त्वचेच्या समस्या वाढू लागल्यानंतर सुद्धा दुर्लक्ष केले जाते. कामाच्या धावपळीमध्ये आणि कौटुंबिक जबाबऱ्यांमुळे त्वचेची जास्त काळजी घेतली जात नाही. तसेच वय वाढल्यानंतर शरीरात होणाऱ्या हार्मोनल बदलांचे परिणाम चेहऱ्यावर दिसू लागतात. त्वचेच्या समस्या वाढू लागल्यानंतर महिला कायमच फेशिअल, क्लीनअप इत्यादी अनेक वेगवेगळ्या स्किन ट्रीटमेंट करून घेतात. पण यामुळे काहीकाळाचं त्वचा अतिशय सुंदर दिसते. अनेक महिला वाढत्या वयात बोटॉक्स सारख्या महागड्या ट्रीटमेंट करून घेतात. बोटॉक्स केल्यामुळे त्वचेवर वाढलेल्या सुरकुत्या आणि बारीक रेषा कमी होतात. पण नेहमीच महागड्या ट्रीटमेंट करण्याऐवजी घरगुती उपाय करून त्वचेची काळजी घ्यावी. म्हणूनच आज आम्ही तुम्हाला चिया सीड्स फेसमास्क बनवण्याची सोपी रेसिपी सांगणार आहोत.(फोटो सौजन्य – istock)

चेहऱ्यावर आलेले पिंपल्स घालवण्यासाठी घरीच तयार करा नॅचरल फेसवॉश, आठवडाभरात त्वचा होईल स्वच्छ

नॅचरल बोटॉक्स जेल बनवण्याची कृती:

चिया सीड्स
पाणी
कोरफड जेल
गुलाब पाणी
विटामिन ई कँप्सूल

चिया सीड्स फेसमास्क बनवण्यासाठी सर्वप्रथम, वाटीमध्ये पाणी घेऊन त्यात चमचाभर चिया सीड्स घालून ३ तास भिजत ठेवा. त्यानंतर चिया सीड्सचे जेल सारखे मिश्रण तयार होईल. कॉटनच्या कपड्यावर भिजवलेले चिया सीड्स ओतून त्यातील जेल काढून घ्या. त्यानंतर त्यात कोरफड जेल, गुलाब पाणी आणि विटामिन ई कँप्सूल मिक्स करून घ्या. तयार केलेले मिश्रण संपूर्ण चेहऱ्यावर आणि मानेवर लावून काहीवेळ तसेच ठेवा. त्यानंतर हलक्या हाताने त्वचा मसाज करून घ्या. कोणताही फेसमास्क लावल्यानंतर त्वचा कोमट पाण्याने किंवा थंड पाण्याने स्वच्छ करून घ्यावी. यामुळे चेहऱ्यावर आलेल्या बारीक रेषा आणि सुरकुत्या कमी होण्यास मदत होईल.

चेहऱ्यावर आलेल्या सुरकुत्या कायमच्या होतील दूर! सोप्या पद्धतीमध्ये घरीच तयार करा नॅचरल फेस सीरम, त्वचेवर येईल ग्लो

उन्हाळ्याच्या दिवसांमध्ये त्वचेमध्ये वाढलेली उष्णता कमी करण्यासाठी चिया सीड्स फेसमास्क लावावा. यामुळे त्वचा आतून थंड राहण्यास मदत होते. चेहऱ्यावर वाढलेले टॅनिंग आणि त्वचेच्या समस्यांपासून आराम मिळवण्यासाठी चिया सीड्स फेसमास्क फायदेशीर आहे. चिया सीड्समध्ये ओमेगा-३ फॅटी ॲसिड्स, अँटी-ऑक्सिडंट्स आणि खनिजे आवश्यक प्रमाणात आढळून येतात. वयाच्या तिशीमध्ये चेहऱ्यावरील हरवलेला ग्लो पुन्हा परत मिळवण्यासाठी चिया सीड्स फेसमास्क लावावं.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.