झोपण्याआधी चेहऱ्यावर लावा ‘हा’ गुणकारी पदार्थ! सकाळी उठल्यानंतर त्वचेवर येईल चमकदार ग्लो, दिसाल कायमच तरुण

थंडीच्या दिवसांमध्ये त्वचेची काळजी घेण्यासाठी रात्री झोपताना नियमित कोरफड जेल चेहऱ्यावर लावावे. यामुळे त्वचेच्या अनेक समस्या नष्ट होतील आणि त्वचा उजळदार, तरुण दिसेल.

• वाढत्या वयात त्वचेची कशी काळजी घ्यावी?
• रात्री झोपण्याआधी त्वचेला कोरफड जेल लावण्याचे फायदे?
• थंडीत त्वचेची कशी काळजी घ्यावी?

थंडीच्या दिवसांमध्ये त्वचेची खूप जास्त काळजी घ्यावी. कारण वातावरणात होणाऱ्या बदलांचा परिणाम आरोग्यावर लगेच दिसून येतो. याशिवाय त्वचा अधिक कोरडी आणि निस्तेज होऊन जाते. थंडीत त्वचेची खराब झालेली गुणवत्ता सुधारण्यासाठी बाजारात उपलब्ध असलेल्या वेगवेगळ्या स्किन ट्रीटमेंट, स्किन ट्रीटमेंट, फेशिअल इत्यादी अनेक गोष्टी करून घेतल्या जातात. मात्र यामुळे त्वचेवर फारसा परिणाम दिसून येतो. थंडीच्या दिवसांमध्ये रक्तप्रवाहात अडथळे निर्माण होतात, ज्यामुळे त्वचेचे सुद्धा रक्तभिसरण बिघडते आणि चेहऱ्यावर बारीक रेषा, सुरकुत्या इत्यादी अनेक समस्या उद्भवतात. थंडीच्या दिवसांमध्ये त्वचेमधील नैसर्गिक तेल कमी होऊन जाते. यामुळे त्वचा खूप जास्त कोरडी आणि सुकल्यासारखी वाटते. अशावेळी त्वचेमधील ओलावा कायम टिकवून ठेवण्यासाठी आणि त्वचा मॉईश्चर करण्यासाठी नैसर्गिक गुणधर्मांनी समृद्ध असलेल्या पदार्थांचा वापर करावा. म्हणूनच आज आम्ही तुम्हाला रात्री झोपण्याआधी चेहऱ्यावर काय लावावे, याबद्दल सविस्तर माहिती सांगणार आहोत.(फोटो सौजन्य – istock)

जाड आयब्रो मिळवा! घरच्या घरी करा हे सोपे उपाय, परिणाम दिसतील फक्त 15 दिवसांत

मागील अनेक वर्षांपासून त्वचेसंबंधित समस्यांपासून आराम मिळवण्यासाठी कोरफड जेलचा वापर केला जात आहे. कोरफड जेल त्वचेमधील ओलावा कायम टिकवून ठेवते. याशिवाय त्वचेच्या अनेक समस्यांपासून आराम मिळवून देते. कोरफड जेल चेहऱ्यावर लावल्यामुळे कोलोजनचे उत्पादन सुधारते. वय वाढल्यानंतर शरीरात होणाऱ्या हार्मोनल बदलांमुळे त्वचेच्या अनेक समस्या उद्भवू लागतात. या समस्यांपासून आराम मिळवण्यासाठी नियमित रात्री झोपण्याआधी चेहऱ्यावर कोरफड जेल लावावे. यामुळे त्वचा हायड्रेट राहते, त्वचेमधील ओलावा कायम टिकून राहतो आणि त्वचेच्या सर्वच समस्यांपासून सुटका मिळते.

कोरफड जेलमध्ये विटामिन ए, सी, ई, कॅल्शियम, मॅग्नेशियम आणि झिंक इत्यादी अनेक गुणकारी घटक आढळून येतात. अँटीऑक्सिडेंट्स गुणधर्मांनी समृद्ध असलेले कोरफड जेल त्वचा मॉईश्चराईज आणि चमकदार करते. तसेच जळजळ, पुळ्या, बारीक मुरूम इत्यादी सर्वच समस्या नष्ट होतात. यासाठी वाटीमध्ये कोरफड जेल घेऊन त्यात विटामिन ई कँप्सूल किंवा थोडस खोबऱ्याचे तेल टाकून व्यवस्थित मिक्स करा. तयार केलेली क्रीम बंद डब्यात भरून रात्री झोपण्याआधी नियमित चेहऱ्यावर लावल्यास त्वचेची गुणवत्ता सुधारेल आणि चेहरा चमकदार दिसेल.

वयाच्या पन्नाशीत तरुण राहण्याचे ब्युटी सिक्रेट! सकाळी उठल्यानंतर नियमित करा ‘या’ कॉफीचे सेवन, वाढलेले वजन होईल झपाट्याने कमी

रात्री झोपण्याआधी चेहऱ्यावर कोरफड जेल का लावावे?

रात्रीच्या वेळी कोरफड जेल चेहऱ्यावर लावल्यास त्वचा मॉईश्चर होते. यामध्ये असलेल्या पाण्यामुळे आणि इतर गुणधर्मांमुळे त्वचेमध्ये हायड्रेशन कायम टिकून राहते. त्वचा दीर्घकाळ हायड्रेट आणि मुलायम ठेवण्यासाठी कोरफड जेल नियमित चेहऱ्यावर लावावे. रात्री कोणतेही स्किन केअर प्रॉडक्ट चेहऱ्यावर लावल्यास जलद गतीने स्किन रिपेअर होते. याशिवाय सुरकुत्या आणि बारीक रेषा कमी होऊन त्वचेचा रंग उजळदार होतो. चेहऱ्यावर जमा झालेली डेड स्किन कमी करण्यासाठी कोरफड जेल अत्यंत प्रभावी आहे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.