लहान मुलांसाठी सकाळच्या नाश्त्यात झटपट बनवा ‘चॉकलेट चिकू मिल्कशेक’, काही मिनिटांमध्ये तयार होईल पदार्थ

सकाळच्या नाश्त्यात नेहमीच काय बनवावं? हे बऱ्याचदा सुचत नाही. अशावेळी तुम्ही नाश्त्यात चॉकलेट चिकू मिल्कशेक बनवू शकता. हे मिल्कशेक लहान मुलांपासून अगदी मोठ्यांपर्यंत सगळ्यांचं खूप जास्त आवडेल.

सकाळच्या नाश्त्यात लहान मुलांसाठी नेहमीच काय बनवावं? हे पालकांना सुचत नाही. मुलांना नाश्त्यात किंवा इतर वेळी भूक लागल्यानंतर खाण्यासाठी बाहेरचे तेलकट किंवा तळलेले पदार्थ खाण्याची जास्त इच्छा होते. मात्र नेहमीच मुलांना बाहेरून विकत आणलेले पदार्थ खाण्यास देऊ नये. यामुळे मुलांच्या शारीरिक आरोग्यावर गंभीर परिणाम होतो.लहान मुलांना नाश्त्यात फळे, स्मूदी किंवा मिल्कशेक पिण्यास द्यावे. यामुळे मुलांना पोषण मिळेल आणि त्यांचे आरोग्य सुधारण्यास मदत होईल. म्हणूनच आज माही तुम्हाला लहान मुलांसाठी सकाळच्या नाश्त्यात चॉकलेट चिकू मिल्कशेक बनवण्याची सोपी रेसिपी सांगणार आहोत. चिकू खाल्यानंतर आरोग्याला अनेक फायदे होतात. यामध्ये असलेले पोषक घटक आरोग्यासाठी अतिशय महत्वाचे ठरतात. चला तर जाणून घेऊया चॉकलेट चिकू मिल्कशेक बनवण्याची सोपी रेसिपी.(फोटो सौजन्य – iStock)

जेवणात तोंडी लावण्यासाठी सोप्या पद्धतीमध्ये घरी बनवा काकडीचे चविष्ट लोणचं, आजवर कधीही खाल्ले नसेल असे लोणचं

साहित्य:

• खजूर
• चिकू
• काजू
• कोको पावडर
• फ्रेश मलाई
• बर्फाचे खडे
• दूध

आंबटगोड कच्च्या कैरीपासून बनवा चवदार कैरीच्या वड्या, लहान मुलांसह मोठेसुद्धा खातील आवडीने

कृती:

• चॉकलेट चिकू मिल्कशेक बनवण्यासाठी सर्वप्रथम, चिकू स्वच्छ धुवून घ्या. त्यानंतर चिकूची साल काढून आतील बिया काढा आणि बारीक तुकडे करा.
• खजुराच्या बिया काढून वाटीभर दुधात खजूर भिजत ठेवा. यामुळे मिक्सरमध्ये खजूर लगेच वाटले जातील.
• त्यानंतर मिक्सरच्या भांड्यात चिकूचे काप, खजूर, काजू, कोको पावडर, मलई , दूध आणि आईस क्यूब घालून बारीक मिल्कशेक वाटून घ्या.
• तयार करून घेतलेले मिल्कशेक काचेच्या ग्लासात घालून वारीं बारीक तुकडे घालून चिकू सर्व्ह करा.
• तयार आहे सोप्या पद्धतीमध्ये बनवलेले चॉकलेट चिकू मिल्कशेक.