मासिक पाळीच्या दिवसांमध्ये गरम पाणी पिणे योग्य आहे का? वेदनांपासून आराम मिळण्यासोबतच शरीराला होतील भरमसाट फायदे

मासिक पाळीच्या दिवसांमध्ये पोटात वाढलेल्या वेदना आणि कंबर दुखीपासून सुटका मिळवण्यासाठी गरम पाण्याचे सेवन करण्यासोबतच गरम पाण्याच्या पिशवीने शेक द्यावा. चला तर जाणून घेऊया गरम पाणी पिण्याचे फायदे.

गरम पाणी पिण्याचे फायदे?
मासिक पाळीच्या दिवसांमध्ये वेदना का होतात?
पाळीच्या दिवसांमध्ये गरम पाण्याचे सेवन का करावे?

महिलांच्या शरीरातील नैसर्गिक चक्र म्हणजे प्रत्येक महिन्याला मासिक पाळी येणे. पाळीच्या पाच दिवसांमध्ये महिलांना शारीरिक आणि मानसिक त्रासाला सामोरे जावे लागते. याशिवाय पोटात पेटके येणे, पोटात वेदना, कंबर दुखणे, उलट्या, मळमळ इत्यादी असंख्य समस्या उद्भवू लागतात. क्रॅम्स, कंबरदुखी आणि अस्वस्थतेमुळे रोजच्या कामात सुद्धा अडथळे निर्माण होते. पोटात वाढलेल्या वेदना कमी करण्यासाठी महिला बऱ्याचदा मेडिकलमधील गोळ्या औषधांचे सेवन करतात. पण वारंवार पेनकिलरच्या गोळ्यांचे सेवन केल्यामुळे मासिक पाळीच्या चक्रात बदल होण्याची जास्त शक्यता असते. त्यामुळे मेडिकलमधील गोळ्यांचे सेवन न करता आजीबाईच्या बटव्यातील उपचार करावे.(फोटो सौजन्य – istock)

Pelvic Floor Exercises: प्रसूतीपूर्वीच लक्ष द्या! पेल्विक फ्लोर व्यायामाचे प्रसूतीनंतरही मिळतात ‘हे’ फायदे

पोटदुखी किंवा कंबर दुखीपासून आराम मिळवण्यासाठी गरम पाण्याचे सेवन करावे. पूर्वीच्या काळापासून ते आत्तापर्यंत शरीरसंबंधित वेदनांपासून आराम मिळवण्यासाठी आजीबाईच्या बटव्यातील औषध उपचार केले जात आहेत. मासिक पाळीच्या वेदनांपासून सुटका मिळवण्यासाठी गरम पाणी प्यावे. याशिवाय पोटात सतत क्रॅम्स येत असल्यास गरम पाण्याच्या पिशवीने शेक द्यावा. यामुळे वेदना कमी होतात. गरम पाणी किंवा हॉट वॉटर बॅगने शेक दिल्यास कंबर दुखी आणि पोटात वाढलेल्या वेदनांपासून सुटका मिळेल. चला तर जाणून घेऊया गरम पाण्याचे सेवन केल्यास शरीराला होणारे फायदे.

पाळीच्या दिवसांमध्ये गरम पाण्याचे सेवन का करावे?

रक्तभिसरण सुधारते:

मासिक पाळीच्या दिवसांमध्ये गरम पाणी प्यायल्यामुळे शरीराचे रक्तभिसरण सुधारते. यामुळे पेल्विक एरियामधील रक्तभिसरण सुधारते आणि स्नायूंवर वाढलेला तणाव कमी होतो. याशिवाय आसपासच्या स्नायूंमध्ये रक्तप्रवाह चांगला राहतो आणि वेदना कमी होतात. पण मासिक पाळी आल्यानंतर खूप जास्त वेदना होत असल्यास डॉक्टरांच्या सल्ल्याने योग्य ते उपचार करणे फार आवश्यक आहे.

पचनक्रिया सुधारते:

मासिक पाळी आल्यानंतर बऱ्याच महिलांना गॅस, पोट फुगणे आणि अ‍ॅसिडिटी, बद्धकोष्ठता इत्यादी समस्या वाढू लागतात. बद्धकोष्ठता वाढल्यामुळे पोट व्यवस्थित स्वच्छ होत नाही आणि आतड्यांमध्ये घाण तशीच साचून राहते. यामुळे सुद्धा पोट दुखीचा त्रास होतो. या सर्व त्रासांपासून सुटका मिळवण्यासाठी गरम पाणी प्यावे. गरम पाणी प्यायल्यामुळे पोटात वाढलेला गॅस बाहेर पडून जातो आणि पोट स्वच्छ होते.

Organ Donation After Death at Home: घरी मृत्यू झाल्यानंतरही अवयवदान शक्य? कोणते अवयव दान करता येतात, जाणून घ्या

शरीर हायड्रेट राहते:

मासिक पाळी आल्यानंतर सुरुवातीच्या दोन दिवसांमध्ये शरीरात खूप जास्त थकवा आणि अशक्तपणा जाणवू लागतो. अशावेळी शरीराला आवश्यक पोषण देणे सुद्धा फार गरजेचे आहे. त्यामुळे मासिक पाळीच्या दिवसांमध्ये किंवा इतर वेळी कोमट पाणी प्यावे. कोमट पाण्याचे सेवन केल्यामुळे शरीर हायड्रेट राहते आणि शरीराला ऊर्जा मिळते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.