त्वचेसाठी वरदान, खोबरेल तेल दूर करेल चेहऱ्यावरील सुरकुत्या; वापरण्याची योग्य पद्धत जाणून घ्या

खोबऱ्याच्या तेलामध्ये अँटी-एजिंग गुण असतात. त्यामुळे हे तेल लावल्यानं त्वचेला हेल्दी फॅट्स आणि व्हिटामिन्स मिळतात. अशात त्वचा तरूण दिसण्यास मदत मिळते. या तेलात असलेल्या लॉरिक ॲसिडमुळे त्वचेला मॉइश्चर मिळतं आणि त्वचेतील सेल्स रिपेअरही होतात. व्हिटामिन ई भरपूर असल्याने खोबऱ्याच्या तेलानं त्वचा मुलायम होते आणि यातील अँटी ऑक्सिडेंट्स वेळेआधीच येणाऱ्या सुरकुत्या दूर करतात.

खोबरेल तेलाचा वापर कसा करावा:

• रोज रात्री झोपण्यापूर्वी त्वचेवर खोबरेल तेलाचा वापर करा. यासाठी स्वच्छ चेहऱ्यावर थोडेसे खोबरेल तेल लावून
• हलक्या हातांनी मसाज करा. याचा नियमित वापर चेहऱ्यावरील सुरकुत्या दूर करते.
• याशिवाय तुम्ही खोबरेल तेलात व्हिटॅमिन ई कॅप्सूलचे काही थेंब मिसळूनही चेहऱ्यावर लावू शकता. यामुळे त्वचेला चमक येते आणि सुरकुत्या कमी होतात.
• १ चमचा खोबरेल तेलात, १ चमचा कोरफड जेल मिसळून लावल्यास त्वचा हायड्रेट राहते. २०-३० मिनिटे हे तेल चेहऱ्यावर लावून तुम्ही धुवू शकता.
• १ चमचा ॲपल सायडर व्हिनेगर, १ चमचा पाणी आणि १ चमचा खोबरेल तेल मिसळून रात्रभर लावा, असे केल्याने सुरकुत्या कमी होऊ लागतात.

फायदे:

त्वचेला मॉइश्चरायझिंग करते
खोबरेल तेलातील फॅट्स त्वचेला खोलवर मॉइश्चराइझ करतात.

त्वचेला बनवते मजबूत
यात असलेले फॅट्स आणि अमीनो ॲसिड त्वचेला मजबूत बनवतात.

अँटी-एजिंग गुणधर्म
यामुळे त्वचा तरुण दिसण्यास मदत होते आणि सुरकुत्या दिसणे कमी होते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या