मासिक पाळी येण्याआधी सतत चिडचिड होऊन रडू येत? ‘या’ कारणांमुळे शरीरात दिसून येतात गंभीर बदल, वेळीच लक्षणे ओळखून घ्या काळजी

मासिक पाळी येण्याआधी शरीरात अनेक बदल दिसून येतात. वारंवार चिडचिड किंवा शरीरात थकवा जाणवू लागल्यास तातडीने डॉक्टरांचा सल्ला घ्यावा. मासिक पाळी येण्याआधी शरीरात कोणती लक्षणे दिसतात.

• मासिक पाळी येण्याआधी शरीरात कोणते बदल दिसून येतात?
• पाळीच्या दिवसांमध्ये मूड स्विंग होण्याची कारणे?
• मासिक पाळीचा सामान्य कालावधी किती असतो?

प्रत्येक महिन्यातील चार ते पाच दिवस सर्वच महिलांना मासिक पाळी येते. मासिक पाळीच्या येण्याआधी आणि पाळी आल्यानंतर शरीरात अनेक बदल दिसून येतात. या बदलांकडे वेळीच लक्षणे देणे आवश्यक आहे. मासिक पाळी आल्यानंतर पोटात वेदना होणे, कंबर दुखणे, गॅस, अपचन, उलट्या, मळमळ इत्यादी अनेक समस्या उद्भवू लागतात. मासिक पाळी येण्याआधी शरीरात अनेक मानसिक आणि शारीरिक बदल दिसून येतात. संप्रेरकांच्या पातळीमध्ये होणाऱ्या चढ उतारांचा परिणाम, इस्ट्रोजेन, प्रोजेस्टेरॉनमध्ये होणाऱ्या बदलांमुळे शरीरात वेगवेगळी लक्षणे दिसू लागतात. त्यामुळे विशेष करून महिलांनी स्वतःच्या आरोग्याची जास्त काळजी घ्यावी. आज आम्ही तुम्हाला मासिक पाळी येण्याच्या एक किंवा दोन आठवडे आधी शरीरात कोणत्या कारणांमुळे बदल दिसून येतात, याबद्दल सविस्तर माहिती सांगणार आहोत. तुम्हालाही शरीरात हे बदल दिसून येत असतील तर तातडीने डॉक्टरांचा सल्ला घेऊन योग्य ते औषध उपचार करणे आवश्यक आहे.(फोटो सौजन्य – istock)

पायांच्या संबंधित ‘हे’ आजार सांगतात शरीरातील व्हिटामीन्सची कमतरता; जाणून घ्या तज्ज्ञांचा सल्ला

मासिक पाळीपूर्वी जाणवणारे मूड स्विंग्ज कोणत्या बदलांमुळे जाणवतात:

मनःस्थितीत अचानक बदल:

मासिक पाळीची तारीख जवळ आल्यानंतर महिला चिडचिड, राग, उदासीनता किंवा अचानक रडू येते. शरीरात अनेक भावनिक बदल दिसून येतात. शरीरातील इस्ट्रोजेनची पातळी अचानक कमी झाल्यामुळे आणि सेरोटोनिन या आनंदी संप्रेरकावर परिणाम झाल्यामुळे वारंवार मूड स्विंग होऊन शरीरात चिडचिडेपणा वाढू लागतो.

स्तनांमध्ये वेदना आणि सूज:

मासिक पाळी आल्यानंतर किंवा मासिक पाळी येण्याच्या काही दिवस आधी अनेक महिलांच्या स्तनांमध्ये वेदना, जडपणा किंवा सूज जाणवते. स्तनांना हात लावल्यास संवेदनशीलता आणि वेदना जाणवू लागतात. या वेदना प्रत्येक महिन्यात जाणवू लागल्यास डॉक्टरांचा सल्ला घेऊन उपचार करावेत. प्रोजेस्टेरॉनची वाढलेली पातळी स्तनांमधील ग्रंथींना उत्तेजित करते, ज्यामुळे स्तनांमध्ये वेदना आणि सूज येते.

ओटीपोटात गोळा येणे किंवा पेटके:

शरीरात पाणी साठून राहणे, गर्भाशयाचे आकुंचन इत्यादी समस्यांमुळे ओटीपोटात गोळा किंवा पेटके येतात. तसेच महिलांना मासिक पाळी येण्याआधी पोट फुगणे, सौम्य पेटके किंवा कंबर दुखणे इत्यादी लक्षणे दिसू लागतात.

३० – ६५ वयोगटातील अनेक लोक मूत्रपिंड आणि हृदयाच्या समस्यांनी त्रस्त! चाचणीनंतर Diabetes चे निदान

डोकेदुखी आणि थकवा:

मासिक पाळीच्या दिवसांमध्ये किंवा मासिक पाळी आल्यानंतर महिलांना कायमच डोकेदुखी आणि शरीरात थकवा जाणवू लागतो. मायग्रेनचा त्रास असलेल्या महिलांना मासिक पाळीच्या दिवसांमध्ये डोके दुखीमुळे खूप जास्त त्रास होतो. प्रचंड थकवा आणि ऊर्जेची कमतरता इत्यादी लक्षणांमुळे कामात लक्ष केंद्रित करणे कठीण होऊन जाते. हार्मोनल चढउतारामुळे रक्तातील साखरेची पातळी सक्रिय होऊन खूप जास्त थकवा आणि अशक्तपणा जाणवू लागतो.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.