लिव्हर कॅन्सरचा धोका होईल कायमचा नष्ट! Liver मध्ये वाढलेली चरबी कमी करण्यासाठी आहारात करा ‘या’ घरगुती पेयांचे सेवन

लिव्हरमध्ये साचून राहिलेली अनावश्यक चरबी बाहेर काढून टाकण्यासाठी आहारात हेल्दी पेयांचे सेवन करावे. या पेयांच्या सेवनामुळे शरीराला अनेक फायदे होतात आणि आरोग्य सुधारते.

• लिव्हरमध्ये चरबी वाढल्यास कोणत्या पेयांचे सेवन करावे?
• लिव्हरचे कार्य सुधारण्यासाठी घरगुती उपाय?
• फॅटी लिव्हरची लक्षणे?

दैनंदिन आहारात खाल्लेल्या पदार्थांचा थेट परिणाम शरीरावर दिसून येतो. त्यामुळे शरीराची योग्य काळजी घेणे आवश्यक आहे. संपूर्ण शरीराचे कार्य निरोगी ठेवण्यासाठी सर्वच अवयव कायमच हेल्दी असणे आवश्यक आहे. लिव्हर पचनक्रिया, विषारी पदार्थांचे विसर्जन, ऊर्जा साठवण आणि रोगप्रतिकारशक्ती सुधारण्यासोबतच इतर अनेक काम करतो. पण जीवनशैलीत होणाऱ्या बदलांचा परिणाम लिव्हरच्या कार्यावर लगेच दिसून येतो. लिव्हर कार्यात अडथळे निर्माण होतात. शरीरात विषारी घटक तसेच साचून राहिल्यानंतर फॅटी लिव्हर, लिव्हर कॅन्सर, लिव्हर सोरायसिस इत्यादी अनेक गंभीर आजार होण्याची शक्यता असते. म्हणूनच आज आम्ही तुम्हाला लिव्हरमध्ये साचून राहिलेली अनावश्यक चरबी कमी करण्यासाठी कोणत्या घरगुती पेयांचे सेवन करावे, याबद्दल सविस्तर माहिती सांगणार आहोत. ही पेय संपूर्ण शरीर डिटॉक्स करून आतड्यांमध्ये चिकटलेली घाण बाहेर काढून टाकते.(फोटो सौजन्य – istock)

‘Beer पण दारूच आहे अमृत नाही’..रुग्णाला Liver डॉक्टरचे खरमरीत उत्तर, लिव्हर सडण्याआधी वाचाच

बीटचा रस:

लहान मुलांपासून अगदी मोठ्यांपर्यंत अनेकांना बीट खायला अजिबात आवडत नाही. अशावेळी बीटपासून रस किंवा भाजी बनवून खावी. यामध्ये असलेल्या बीटाइन घटकांमुळे लिव्हरमधील घाण आणि अनावश्यक साचून राहिलेली चरबी बाहेर पडून जाते. तसेच बीटमध्ये ग्लुटाथायोन हे शक्तिशाली अँटिऑक्सिडंट आढळून येते, ज्यामुळे लिव्हरची क्षमता सुधारते. त्यामुळे सकाळी उठल्यानंतर नियमित एक ग्लास बीटचा रस प्यावा. यामुळे रक्त शुद्ध होऊन शरीर दीर्घकाळ निरोगी आणि हेल्दी राहते.

लिंबू आणि एप्पल सायडर व्हिनेगरचे पाणी:

शरीरात साचून राहिलेली घाण, कोलेस्ट्रॉल आणि लिव्हरमधील चरबी नष्ट करण्यासाठी लिंबू आणि एप्पल सायडर व्हिनेगरचे पाणी प्यावे. सकाळी उठल्यानंतर उपाशी पोटी पाण्याचे सेवन केल्यास आतड्यांमध्ये जमा झालेली घाण बाहेर पडून जाईल आणि शरीराला अनेक फायदे होतील. लिंबूमधील सिट्रिक अ‍ॅसिड बाईल सॉल्ट मोठ्या प्रमाणावर आढळून येते. एप्पल सायडर व्हिनेगरचे पाणी प्यायल्यामुळे लिव्हरची कार्यक्षमता सुधारून लिव्हर मजबूत होते. त्यामुळे आठवड्यातून दोनदा किंवा तीनदा पाण्याचे सेवन करावे.

ग्रीन टी:

सकाळी उठल्यानंतर अनेकांना दुधाचा चहा पिण्याची सवय असते. दुधाच्या चहाचे सेवन केल्यामुळे शरीरात ऍसिडिटीचे प्रमाण वाढू लागते. पण त्याऐवजी ग्रीन टी चे सेवन करावे. यामध्ये आढळून येणारे अँटिऑक्सिडंट्स लिव्हरचे एन्झाईम्स नियंत्रणात ठेवण्यासाठी मदत करतात. लिव्हरमध्ये वाढलेली चरबी कमी करण्यासाठी नियमित सकाळी ग्रीन टी प्यावी. त्यामुळे दिवसभरातून दोनदा ग्रीन टी चे सेवन करावे.

डॉक्टरांनी सांगितली कांद्याला खाण्याची योग्य पद्धत, पोटातील सर्व घाण निघेल बाहेर; स्मरणशक्तीही सुधारेल

हळदीचे दूध:

रात्री झोपण्याआधी नियमित हळदीच्या दुधाचे सेवन करावे. एक ग्लास कोमट दुधात चिमूटभर हळद टाकून प्यायल्यास शरीराला भरमसाट फायदे होतील. हळदीमध्ये नैसर्गिक अँटी-इंफ्लेमेटरी गुणधर्म आढळून येतात, ज्यामुळे आतड्यांमधील सर्व घाण स्वच्छ होते. हळदीच्या दुधाचे सेवन केल्यामुळे शरीराच्या आतील अवयवांना आलेली सूज कमी होण्यास मदत होते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.