शरीरात निर्माण झालेली प्रोटीनची कमतरता भरून काढण्यासाठी ‘या’ लाडूचे करा सेवन, शाहाकारी लोकांसाठी ठरेल उत्तम

शाहाकारी लोकांच्या शरीरात प्रामुख्याने प्रोटीनची कमतरता निर्माण होते. त्यामुळे आहारात मुगाच्या डाळीचे सेवन करावे. मुगाच्या लाडूचे सेवन केल्यामुळे आरोग्य सुधरण्यास मदत होते.

धावपळीच्या जीवनशैलीमुळे महिला स्वतःच्या आरोग्याकडे व्यवस्थित लक्ष देत नाहीत. सतत काम करत राहिल्यामुळे आरोग्य बिघडण्याची शक्यता असते. कुटुंबिक जबाबदाऱ्या, नातेसंबंध इत्यादी अनेक गोष्टीमुळे काहीवेळा आरोग्याकडे दुर्लक्ष होते. शरीरात कोणत्याही विटामिनची कमतरता निर्माण झाल्यास शरीराला हानी पोहचते. त्यामुळे सर्वच विटामिनची पातळी संतुलित असणे आवश्यक आहे. याशिवाय आहारात मांसाहारी पदार्थांचे सेवन न करणाऱ्या लोकांच्या शरीरात प्रामुख्याने प्रोटीनची कमतरता उद्भवते. त्यामुळे प्रोटीनची कमतरता भरून काढण्यासाठी शाहाकारी लोकांनी आहारात काय खावे? कोणते पदार्थ खाल्यामुळे प्रोटीन वाढेल? असे अनेक प्रश्न कायमच पडतात. दैनंदिन आहारात योग्य प्रमाणात पौष्टिक पदार्थांचे सेवन केल्यास शरीरात कधीही पोषणाची कमतरता उद्भवणार नाही. आज आम्ही तुम्हाला शरीरात निर्माण झालेली प्रोटीनची कमतरता भरून काढण्यासाठी पौष्टिक लाडू बनवण्याची सोपी रेसिपी सांगणार आहोत.दिवसभरातून एक लाडू खाल्यास शरीराला भरपूर पोषण मिळेल. जाणून घ्या लाडू बनवण्याची सोपी रेसिपी.(फोटो सौजन्य: Pinterest)

जेवणाच्या ताटात गरमागरम वरण भातासोबत खाण्यासाठी झटपट बनवा कुरकुरीत मसालेदार कारली फ्राय, नोट करा रेसिपी

साहित्य:

• मूग
• शेंगदाणे
• काळे तीळ
• अळशीच्या बिया
• तूप
• सुका मेवा
• वेलची पावडर
• गूळ

ब्रेड बटर खाऊन कंटाळा आला आहे? मग सकाळच्या नाश्त्यासाठी झटपट बनवा पौष्टिक ब्रेड पकोडा, नोट करून घ्या पदार्थ

कृती:

• मुगाचे पौष्टिक लाडू बनवण्यासाठी सर्वप्रथम, कढई गरम करून त्यात वाटीभर मूग व्यवस्थित मंद आचेवर लाल होईपर्यंत भाजा.
• त्यानंतर त्याच कढईमध्ये शेंगदाणे, काळे तीळ आणि अळशीच्या बिया वेगवेगळ्या भाजून घ्या. यामुळे लाडू जास्त वेळ व्यवस्थित टिकून राहील.
• भाजून घेतलेले सर्व साहित्य थंड करून झाल्यानंतर मिक्सरमधून बारीक वाटून घ्या.
• कढईमध्ये तूप गरम करण्यासाठी ठेवा. त्यानंतर तुपात गूळ टाकून पूर्णपणे वितळल्यानंतर त्यात भाजलेले सर्व साहित्य आणि भाजून बारीक केलेला सुका मेवा, वेलची पावडर टाकून व्यवस्थित भाजा.
• तयार केलेले लाडूचे मिश्रण हलकेसे थंड करून घ्या. हातांना तूप लावून तुम्हाला हवे त्या आकाराचे लाडू बनवून सर्व्ह करा.
• तयार आहेत सोप्या पद्धतीमध्ये बनवलेले पौष्टिक मुगाचे लाडू. हा पदार्थ लहान मुलांना सुद्धा खाण्यास देऊ शकता.