दैनंदिन आहारात ‘या’ पदार्थांचे सेवन केल्यास किडनी सडून होईल मुतखडा, चुकूनही करू नका नियमित सेवन

किडनीच्या आरोग्यासाठी घातक ठरतात हे पदार्थ:

प्रोसेस्ड मांस:

काहींना सकाळच्या नाश्त्यात किंवा आहारात बेकन, सॉसेज किंवा सलामीसारखे प्रोसेस्ड मीट खाण्यास खूप जास्त आवडतात. पण या पदार्थांच्या सेवनामुळे किडनीवर जास्त ताण येतो. कारण यामध्ये सोडियम व फॉस्फरस इत्यादी घटक आढळून येतात.प्रोसेस्ड मासांमधील प्रिझर्वेटिव्ह्जमुळे शरीराला सूज येते. याशिवाय कालांतराने किडनीसंबंधित गंभीर समस्या उद्भवू लागतात. जास्त मीठ असलेल्या पदार्थांमुळे किडनीचे आरोग्य बिघडून जाते. त्यामुळे आहारात प्रोसेस्ड मांसचे अजिबात सेवन करू नये.

गोड पदार्थ:

सकाळच्या नाश्त्यात अनेक लोक चोकोस, कॉंफ्लेक्स इत्यादी पदार्थांचे सेवन केले जाते. या पदार्थांच्या अतिसेवनामुळे मधुमेह किंवा उच्च रक्तदाबासारखी गंभीर समस्या उद्भवते. शरीरात वाढलेले साखरेचे प्रमाण किडनीच्या कार्यावर परिणाम करते.त्यामुळे जास्त कॅलरीज असलेल्या पदार्थांचे सेवन करण्याऐवजी ओट्स, म्युसली किंवा ब्रान फ्लेक्स इत्यादी पदार्थांचे सेवन करावे. या पदार्थांच्या सेवनामुळे शरीराला अनेक फायदे होतात.

फ्लेवर्ड दही:

दैनंदिन आहारात नियमित वाटीभर दही खाल्यास शरीराला अनेक फायदे होतात. दह्यामध्ये असलेले घटक शरीर कायमच निरोगी ठेवतात. याशिवाय पोटात वाढलेली उष्णता कमी करण्यासाठी दह्याचे सेवन करावे. पण अनेकांना फ्लेवर्ड दही खाण्याची सवय असते. या दह्यामध्ये खूप जास्त साखर, कृत्रिम फ्लेवर्स आणि फॉस्फेट्स आढळून येतात. अतिगोड पदार्थांचे सेवन केल्यामुळे वजन वाढण्याची शक्यता असते. तसेच आहारात अतिगोड पदार्थ खाल्यामुळे किडनीवर तणाव येतो.

बाळ ऐकत नाही तर त्याला मारून समजवू नका! ‘हे’ घ्या टिप्स, कामी येतील

इंस्टंट नूडल्स:

लहान मुलांपासून अगदी मोठ्यांपर्यंत सगळ्यांचं नूडल्स खायला खूप जास्त आवडतात. पण काहीवेळा घाईगडबडीच्या वेळी इंस्टंट नूडल्स बनवून खाल्ले जाते. हे नूडल्स चवीला अतिशय सुंदर लागतात. पण वारंवार इंस्टंट नूडल्सचे सेवन केल्यामुळे किडनी खराब होण्याची जास्त शक्यता असते. यामध्ये मिठाचे प्रमाण खूप जास्त असते. त्यामुळे आहारात कमी मीठ आणि कमी तिखट पदार्थांचे सेवन करावे.

FAQs (संबंधित प्रश्न)

किडनी स्टोन म्हणजे काय?

युरिनरी कॅल्क्युली (Urinary Calculi) किंवा रिनल कॅल्क्युली (Renal Calculi) देखील म्हणून ओळखले जातात.हे कॅल्शियम ऑक्झिलेट किंवा युरिक ऍसिडचे स्फटिक असतात जे मूत्रात जास्त प्रमाणात खनिजे आणि कमी द्रवपदार्थ असल्यामुळे तयार होतात.

किडनी स्टोनची लक्षणे?

सामान्यत: लक्षणे नसतात, परंतु जेव्हा स्टोन मूत्रमार्गात सरकतो किंवा अडथळा निर्माण करतो तेव्हा तीव्र वेदना सुरू होतात.या वेदना पाठ, पोट किंवा ओटीपोटात जाणवू शकतात.

किडनी स्टोन होऊ नये म्हणून उपाय:

दिवसाला 2-3 लिटर पाणी पिऊन मूत्र पातळ ठेवल्यास स्टोन तयार होण्यापासून रोखता येते आणि ते बाहेर काढण्यास मदत होते. मिठाचे आणि चरबीयुक्त पदार्थांचे सेवन कमी करा. जास्त प्रथिने आणि ऑक्सलेटयुक्त पदार्थांचे सेवन टाळा.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या