Diwali 2026: नानकटाई बनवल्यानंतर दगडासारखी कडक होऊन जाते? मग या पद्धतीने घरी बनवा बेकरीस्टाईल खुसखुशीत नानकटाई

Diwali 2026: दिवाळीला घरात नानकटाई बनवल्यानंतर ती कायमच कडक किंवा खराब होऊन जाते. मग या टिप्स फॉलो करून बेकारीस्टाईल नानकटाई तुम्ही बनवू शकता. चला तर जाणून घेऊया रेसिपी.

नानकटाई बनवल्यानंतर दगडासारखी कडक होऊन जाते? मग या पद्धतीने घरी बनवा बेकरीस्टाईल खुसखुशीत नानकटाई

Follow Us:

Follow Us:

Diwali 2026: दिवाळीच्या फराळातील सगळ्यांचा आवडता पदार्थ म्हणजे नानकटाई. लहान मुलांपासून ते अगदी मोठ्यांपर्यंत सगळ्यांचं नानकटाई खायला खूप जास्त आवडते. पण नानकटाई बनवताना केलेल्या छोट्या मोठ्या चुका पदार्थाची चव खराब करून टाकतात. त्यामुळे नानकटाई बनवताना योग्य त्या टिप्स फॉलो करणे फार आवश्यक आहे. आज आम्ही तुम्हाला बेकरीस्टाईल नानकटाई बनवण्याची सोपी रेसिपी सांगणार आहोत. या पद्धतीने बनवलेली नानकटाई अजिबात कडक किंवा दगडासारखी होणार नाही. दिवाळीच्या फराळात वेगवेगळे पदार्थ बनवले जातात, पण ते पदार्थ योग्य प्रमाणात आणि योग्य पद्धत वापरून न केल्यास अजिबात टेस्ट लागत नाही. चला तर जाणून घेऊया बेकरीस्टाईल खुसखुशीत नानकटाई बनवण्याची रेसिपी.(फोटो सौजन्य – istock)

Diwali Sweets: ५ मिनिटांमध्ये बनवा केशर कोकोनट लाडू, दिवाळीतील फराळाची वाढेल रंगतदार चव

साहित्य:

• मैदा
• पिठीसाखर
• वेलची पावडर
• बारीक रवा
• बेकिंग पावडर
• बदाम-पिस्ते
• तूप

कृती:

• बेकरीस्टाईल नानकटाई बनवण्यासाठी सर्वप्रथम, वाटीमध्ये तूप आणि पिठीसाखर एकत्र करून फेटून घ्या. मिश्रणात अजिबात गुठळ्या ठेवू नयेत.
• ताटात मैदा, बारीक रवा, वेलची पावडर आणि बेकिंग पावडर एकत्र करून चाळून घ्या. सर्व साहित्याने हाताने मिक्स करून झाल्यानंतर त्यात तयार केलेले तुपाचे मिश्रण ओतून मिक्स करा.
• नानकटाईचे मिश्रण हलक्या हाताने मळून घ्यावे. अजिबात जोर लावून चपातीच्या पिठासारखे मळू नये. यामुळे नानकटाई दगडासारखी कडक होऊन जाते.
• मळून घेतलेले पीठ १० ते १५ मिनिटं झाकण मारून ठेवून द्या. त्यानंतर छोटे छोटे चपटे गोळे करून नानकटाई बनवा आणि त्यावर पिस्ता, बदामाचे काप लावा.
• ओव्हनमध्ये १६० अंश सेल्सिअसवर १० मिनिटे प्रीहीट करा आणि त्यानंतर त्यात नानकटाई टाकून १६० अंश सेल्सिअसवर १५ ते २२ मिनिटे बेक करण्यासाठी ठेवा.
• नानकटाईवर हलकासा सोनेरी रंग आल्यानंतर बाहेर काढून घ्या. तयार आहे बेकारी स्टाईलने बनवलेली खमंग खुसखुशीत नानकटाई.

Web Title: Diwali 2026 follow this method to make crispy bakery style nankhatai at home sk

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com