Diwali Sweets: ५ मिनिटांमध्ये बनवा केशर कोकोनट लाडू, दिवाळीतील फराळाची वाढेल रंगतदार चव

Diwali Sweets: दिवाळी सणाला घरात मिठाईचे विविध पदार्थ बनवू शकता. त्यामुळे आज आम्ही तुम्हाला सोप्या पद्धतीमध्ये केशर कोकोनट लाडू बनवण्याची सोपी रेसिपी सांगणार आहोत. या पद्धतीने बनवलेले लाडू चवीला अतिशय सुंदर लागता.

Diwali Sweets: दिवाळी सणाला अवघे काही दिवस शिल्लक राहिले आहेत. सणावाराच्या दिवसांमध्ये घरात मोठी लगबग असते. चकली, चिवडा, करंजी, शंकरपाळे यासोबतच फराळात विविध गोड पदार्थ सुद्धा बनवले जातात. बाजारातील भेसळयुक्त मिठाई खाण्याऐवजी घरी बनवलेले हेल्दी आणि टेस्टी पदार्थ खावेत. आज आम्ही तुम्हाला ५ मिनिटांमध्ये तयार होणारे केशर कोकोनट लाडू बनवण्याची सोपी रेसिपी सांगणार आहोत. या पद्धतीने बनवलेले लाडू चवीला अतिशय सुंदर लागतात. दिवाळीमध्ये कायमच पेढा किंवा काजुकतली आणून खाण्यापेक्षा घरी बनवलेले केशर कोकोनट लाडू चवीला अतिशय भन्नाट लागतील. हे लाडू १० ते १५ दिवस व्यवस्थित टिकून राहतात. लाडू बनवताना अजिबात पाण्याचा वापर करू नये. मिश्रणातील ओलावा पूर्णपणे नष्ट झाल्यास लाडूची चव कायमच टिकून राहते. चला तर जाणून घेऊया केशर कोकोनट लाडू बनवण्याची सोपी कृती.(फोटो सौजन्य – AI)

Diwali 2026: दिवाळी पाडव्यानिमित्त घरी बनवा शाही सीताफळ बासुंदी, गरमागरम पुरीसोबत घ्या चविष्ट पदार्थाचा आस्वाद

साहित्य:

• साखर
• डेसिकेटेड कोकोनट
• दूध
• तूप
• केशर

Bitter Gourd Chutney: कारलं खायला आवडत नाही? मग १० मिनिटांमध्ये गरमागरम भाकरीसोबत खाण्यासाठी बनवा टेस्टी कारल्याची चटणी

कृती:

• केशर कोकोनट लाडू बनवण्यासाठी सर्वप्रथम, कढईमध्ये तूप गरम करण्यासाठी ठेवा. त्यानंतर त्यात डेसिकेटेड कोकोनट घालून मंद आचेवर भाजून घ्या.
• डेसिकेटेड कोकोनट भाजताना गॅस अजिबात फास्ट करू नये. त्यानंतर त्यात साखर आणि अर्धा वाटीभर दूध घालून चमच्याने सतत मिक्स करत राहा.
• पदार्थाचा रंग वाढवण्यासाठी त्यात केशर काड्या घालाव्यात. ५ ते ७ मिनिटं मिश्रण मंद आचेवर व्यवस्थित मिक्स करून झाल्यानंतर गॅस बंद करा.
• तयार केलेले मिश्रण घट्ट झाल्यानंतर तुमच्या आवडीनुसार लाडू बनवून घ्या आणि डेसिकेटेड कोकोनटमध्ये घोळवा.
• तयार आहेत झटपट बनवलेले केशर कोकोनट लाडू. हा पदार्थ घरातील प्रत्येकाला खूप जास्त आवडेल.