शरीरात दिसून येणाऱ्या ‘या’ लक्षणांकडे अजिबात करू नका दुर्लक्ष! कावीळ झाल्यास लाल रक्तपेशी तुटण्यासोबतच उद्भवतील गंभीर समस्या

दूषित पाणी आणि अन्नपदार्थांच्या सेवनामुळे कावीळ होण्याची खूप जास्त शक्यता असते. त्यामुळे कावीळ झाल्यानंतर दुर्लक्ष न करता वेळीच योग्य ते उपचार करणे फार आवश्यक आहे. चला तर जाणून घेऊया सविस्तर.

कावीळ होण्याची कारणे?
कावीळ झाल्यानंतर दिसून येणारी लक्षणे?
लिव्हरचे आरोग्य कशामुळे बिघडते?

वातावरणात होणारे बदल, आहारात निर्माण झालेली पोषणाची कमतरता, शारीरिक हालचालींचा अभाव, कमी पाण्याचे सेवन इत्यादी अनेक गोष्टींचा परिणाम आरोग्यावर लगेच दिसून येतो. वारंवार जंक फूड किंवा अतितिखट आणि तेलकट पदार्थ खाल्ल्यामुळे लिव्हरच्या आरोग्यावर लगेच परिणाम होतो. लिव्हरसबंधित अतिशय धोकादायक आजार म्हणजे कावीळ. कावीळ झाल्यानंतर लगेच शरीरात लक्षणे दिसून येत नाही. पण काही दिवसांनंतर लक्षणे अतिशय गंभीर होतात. अनेक लोक केवळ डोळे पिवळे झाले म्हणून कावीळ झाली आहे, असे समजतात. पण कावीळ झाल्यानंतर शरीरात इतरही लक्षणे दिसू लागतात, ज्याचा संपूर्ण आरोग्यावर परिणाम होतो.(फोटो सौजन्य – istock)

प्रोटीनच्या नावाखाली तुम्हीही विषाचे तर सेवन करत नाही? FSSAI ने बॅन केलेले अ‍ॅनालॉग पनीर नक्की काय आहे ते जाणून घ्या

कावीळ झाल्यानंतर शरीरात दिसून येणाऱ्या लक्षणांकडे अजिबात दुर्लक्ष न करता वेळीच योग्य ते उपचार करणे फार आवश्यक आहे. अन्यथा जीवावर बेतू शकते. कावीळ होण्याचे प्रमुख कारण म्हणजे हिपॅटायटिस, अस्वच्छ पाणी किंवा अन्नामुळे जंतू संसर्ग, जास्त प्रमाणात दारूचे सेवन, पित्तनलिकेत अडथळा आणि लाल रक्त पेशी वेगाने तुटल्यामुळे कावीळ होण्याची जास्त शक्यता असते. कावीळ सारख्या गंभीर आजारावर वेळीच उपचार न केल्यास संपूर्ण शरीरात कावीळ पसरते. चला तर जाणून घेऊया कावीळ झाल्यानंतर दिसून येणारी गंभीर लक्षणे.

कावीळ झाल्यानंतर दिसून येणारी गंभीर लक्षणे:

लघवीच्या रंगात बदल होणे:

कावीळ झाल्यानंतर शरीरात बिलीरुबिन नावाचा पिवळा पदार्थ झपाट्याने तयार होतो. जास्त प्रमाणात तयार झालेल्या बिलीरुबिनमुळे लाल रक्तपेशी तुटून जातात. याशिवाय पिवळा पदार्थ वेळीच बाहेर पडून न गेल्यामुळे शरीरात साचून राहतो, ज्याच्या परिणामामुळे लघवीच्या रंगात बदल दिसू लागतात. लघवीचा रंग गडद पिवळा होऊन लघवी करताना जळजळ होते.

भूक न लागणे:

कवीला झाल्यानंतर भूक कमी होऊ जाते. याशिवाय अन्नपदार्थ खाल्ल्यानंतर मळमळ किंवा उलट्या होतात. त्यामुळे वारंवार मळमळ होत असेल तर तातडीने डॉक्टरांचा सल्ला घ्यावा. याशिवाय कावीळ झाल्यानंतर पोटाच्या उजव्या बाजूला तीव्र वेदना होतात आणि सूज आल्यासारखे वाटते. तसेच वेदना, सूज किंवा अस्वस्थता जाणवून आरोग्य बिघडून जाते.

कच्चा कांदा खाणे शरीरासाठी चांगले की वाईट? कांद्यामुळे पोटात इन्फेक्शन वाढते का? जाणून घ्या कच्चा कांदा खाण्याची योग्य पद्धत

डोळे आणि त्वचा पिवळी पडणे:

लघवीच्या रंगात बदल होण्यासोबतच डोळे, त्वचा आणि नख सुद्धा पिवळी होण्यास सुरुवात होते. शरीरात खूप जास्त बिलीरुबिन वाढल्यानंतर दिसून येणाऱ्या लक्षणांकडे अजिबात दुर्लक्ष न करता वेळीच उपचार करणे फार आवश्यक आहे. याशिवाय कोणतेही काम न करता खूप जास्त थकवा, अशक्तपणा, धाप लागल्यासारखे वाटत असेल तर डॉक्टरांचा सल्ला घेऊन योग्य ते उपचार करावेत.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.