केस गळून टक्कल पडलं आहे? केसांच्या घनदाट वाढीसाठी नियमित प्या ‘हे’ आयुर्वेदिक ड्रिंक, केस होतील लांबलचक आणि सुंदर

बाहेरील प्रदूषित हवा, अपुरी झोप, बिघडलेली पचनक्रिया, केसांच्या वाढीसाठी आवश्यक असलेल्या पदार्थांचे सेवन करणे, मानसिक तणाव इत्यादी अनेक गोष्टी केसांच्या अपुऱ्या वाढीसाठी कारणीभूत ठरतात. केस पातळ झाल्यानंतर केसांमध्ये फणी मारणे सुद्धा कठीण वाटू लागते. म्हणूनच आज आम्ही तुम्हाला केसांच्या वाढीसाठी आयुर्वेदिक ड्रिंक तयार करण्याची सोपी कृती सांगणार आहोत. याशिवाय या रसाचे सेवन केल्यामुळे शरीराला नेमके काय फायदे होतात, हे देखील सांगणार आहोत.

आयुर्वेदिक रस तयार करण्याची कृती:

केसांच्या वाढीसाठी आवळा अतिशय प्रभावी आहे. आवळ्यामध्ये असलेले विटामिन सी केसांना पोषण देते. त्यामुळे रोजच्या आहारात आवळ्याचा रस किंवा आवळ्याच्या चटणीचे आहारात सेवन करावे. केसांमध्ये वाढलेला कोंडा आणि केस गळतीच्या समस्येपासून कायमची सुटका मिळवण्यासाठी आवळ्याचे आहारात नियमित सेवन करावे. आयुर्वेदिक ड्रिंक तयार करण्यासाठी सर्वप्रथम, मिक्सरच्या भांड्यात बीटचे तुकडे, आवळा आणि आल्याचा तुकडा टाकून बारीक वाटून घ्या. त्यानंतर त्यात एक ग्लास पाणी आणि काळीमिरी पावडर घालून पुन्हा एकदा वाटून घ्या. तयार केलेला रस गाळून नियमित सेवन करावे.

वयाच्या ७० व्या वर्षीसुद्धा अभिनेत्री रेखाचे केस आहेत काळेभोर घनदाट! चमकदार केसांसाठी घरच्या घरी तयार करा ‘हा’ हेअरमास्क

आयुर्वेदिक रस पिण्याचे फायदे:

आवळ्याचा रस पिणे आरोग्यासाठी अतिशय पौष्टिक आहे. यामध्ये असलेले विटामिन सी त्वचा आणि केसांसाठी अतिशय महत्वाचे आहे. याशिवाय बीटचा रस नियमित प्यायल्यास शरीर डिटॉक्स होऊन त्वचा सुधारण्यास मदत होईल. त्वचा आणि केसांची खराब झालेली गुणवत्ता सुधारण्यासाठी रोजच्या आहारात बीट आणि आवळ्याच्या रसाचे नियमित सेवन करावे. बीटचा रस प्यायल्यामुळे केस गळती कमी होते. यामध्ये असलेले अँटीऑक्सिडंट गुणधर्म केसांच्या वाढीसाठी प्रभावी ठरतात.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या