खराब कोलेस्ट्रॉल काढून टाकण्यासाठी मदत करतो ‘या’ फळाचा रस, हृदयाचे आरोग्य राहील चांगले

शरीरात वाढलेली कोलेस्ट्रॉलची पातळी नियंत्रणात ठेवण्यासाठी टोमॅटोचा रस अतिशय फायदेशीर आहे. याशिवाय टोमॅटोचा रस प्यायल्याने त्वचेलासुद्धा अनेक फायदे होतात. चला तर जाणून घेऊया टोमॅटो रस बनवण्याची कृती.

सतत तेलकट आणि तिखट पदार्थ खाल्यामुळे शरीरात खराब कोलेस्ट्रॉल साचण्यास सुरुवात होते. हृदयाच्या रक्तवाहिन्यांमध्ये पिवळा रंगाचा चिकट थर जमा होऊ लागतो. ज्यामुळे हृदयाच्या आणि शरीराच्या इतर अवयवांमधील रक्तवाहिन्या ब्लॉक होऊन जातात. हा चिकट थर हृदयाच्या आरोग्यासाठी अतिशय घातक आहे. यामुळे हृदयविकाराचा झटका येण्याची शक्यता असते. त्यामुळे सतत तेलकट किंवा तिखट पदार्थांचे सेवन करू नये. कोलेस्ट्रॉलची पातळी वाढल्यानंतर आरोग्यासंबंधित अनेक समस्या उद्भवतात. या समस्यांपासून आराम मिळवण्यासाठी आहारात पौष्टिक पदार्थांचे सेवन करावे. शरीरात दोन प्रकारचे कोलेस्ट्रॉल असतात. चांगले कोलेस्ट्रॉल आणि खराब कोलेस्ट्रॉल. त्यातील खराब कोलेस्ट्रॉल आरोग्यासाठी अतिशय घातक आहे.(फोटो सौजन्य-istock)

हे देखील वाचा: थंडीच्या दिवसांमध्ये जास्त झोप का येते?

शरीरात कोलेस्ट्रॉलची पातळी वाढल्यानंतर श्वास घेण्यास त्रास होणे, सतत थकवा जाणवणे, सतत चक्कर येणे इत्यादी अनेक समस्या उद्भवतात. या समस्यांपासून आराम मिळवण्यासाठी टोमॅटोच्या रसाचे सेवन करावे. टोमॅटो शरीरातील खराब कोलेस्ट्रॉलची पातळी कमी करण्यास मदत करतो. शिवाय टोमॅटोचे सेवन केल्यामुळे आरोग्याला अनेक फायदे होतात. चला तर जाणून घेऊया टोमॅटो खाण्याचे फायदे? टोमॅटो रस बनवण्याची सोपी पद्धत? हा रस प्यायल्यामुळे आरोग्याला नेमके काय फायदे होतात. जाणून घेऊया सविस्तर.

टोमॅटो खाण्याचे प्रभावी फायदे:

टोमॅटो ही फळ भाजी असून जेवणातील पदार्थांमध्ये वापरली जाते. टोमॅटोचा जेवणात वापर केल्यामुळे पदार्थाची चव वाढण्यासोबतच सुगंधसुद्धा वाढतो. टोमॅटोमध्ये पोटॅशिअम, मॅग्नेशिअम, फॉस्फरस, लोह, जीवनसत्वे, खजिने आणि अँटीऑक्सीडंट्स इत्यादी घटक आढळून येतात. जे शरीरासाठी आवश्यक आहे. टोमॅटो खाल्यामुळे रोगप्रतिकारशक्ती चांगली राहण्यास मदत होते. टोमॅटोचे सेवन केल्यामुळे शरीरातील कोलेस्ट्रॉलची पातळी नियंत्रणात राहण्यास मदत होते. टोमॅटोमध्ये असलेले विटामिन्स त्वचेच्या आरोग्यासाठी सुद्धा चांगले आहेत.

टोमॅटोचा रस बनवण्याची कृती:

साहित्य:

टोमॅटो, पाणी, पुदिना, काळे मीठ

कृती:

• टोमॅटोचा रस बनवण्यासाठी सर्वप्रथम टोमॅटो स्वच्छ धुवून त्याचे चार तुकडे काढून बिया काढून घ्या.
• मिक्सरच्या भांड्यात टोमॅटो, काळ मीठ, पुदिन्याची पाने आणि आवश्यकतेनुसार पाणी टाकून मिक्सरमधून वाटून घ्या.
• तयार आहे सोप्या पद्धतीमध्ये बनवलेला टोमॅटो रस.

हे देखील वाचा: दुधामध्ये गूळ टाकून प्यायल्यास आरोग्याला होतील फायदे, शारीरिक समस्या होतील दूर

टोमॅटो रस पिण्याचे फायदे:

टोमॅटोमध्ये असलेले लाइकोपीन नावाचे अँटीऑक्सिडंट शरीरातील कोलेस्ट्रॉलची पातळी नियंत्रणात ठेवण्यासाठी मदत करते. तसेच यामुळे हृदयाचे आरोग्य निरोगी राहते. या फळामध्ये कमी कॅलरीज असतात, ज्यामुळे वाढलेले वजन कमी करण्यासाठी तुम्ही टोमॅटोच्या रसाचे सेवन करू शकता. टोमॅटोमध्ये फायबर जास्त असते. यामुळे त्वचेलासुद्धा फायदा होतो. टोमॅटोचा रस प्यायल्यामुळे पोट भरलेले राहते आणि लवकर भूक लागत नाही. शरीरातील कमी झालेली रोगप्रतिकारशक्ती सुधारण्यासाठी टोमॅटोचा रस प्यावा.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.