तळपायांना पडलेल्या भेगांमुळे पाय कोरडे झाले आहेत? मग सोप्या पद्धतीमध्ये घरीच करा होममेड पेडिक्युअर, पाय होतील स्वच्छ

बऱ्याचदा पायांवरील त्वचा खराब आणि निस्तेज झाल्यानंतर महिला किंवा मुली पार्लरमध्ये जाऊन पेडिक्युअर किंवा इतर वेगवेगळ्या ट्रीटमेंट करून घेतात. मात्र या ट्रीटमेंटचा परिणाम फारकाळ पायांच्या त्वचेवर दिसून येत नाही. वारंवार केमिकल युक्त प्रॉडक्टचा वापर करून पेडिक्युअर केल्यास पायांची त्वचा खराब होऊन जाते. त्यामुळे आज आम्ही तुम्हाला पायांची खराब झालेली त्वचा सुधारण्यासाठी घरगुती पद्धतीने पेडिक्युअर करण्याची सोपी पद्धत सांगणार आहोत. या पद्धतीने पेडिक्युअर केल्यास पायांची त्वचा नैसर्गिकरित्या चमकदार दिसेल.

घरच्या घरी पेडिक्युअर करण्याची सोपी पद्धत:

• घरगुती पेडिक्युअर करण्यासाठी सर्वप्रथम, मोठ्या टबमध्ये गरम करून घेतलेले पाणी घ्या. त्यानंतर त्यात मीठ, बेकिंग सोडा, शॅम्पू टाकून व्यवस्थित मिक्स करा. त्यानंतर त्यात १० किंवा १५ मिनिटं पाय बुडवून ठेवा.
• त्यानंतर कॉटनच्या कपड्याने पाय स्वच्छ पुसून घ्या. त्यानंतर पायांना कोरफड जेल लावून हलक्या हाताने मसाज करा.यामुळे
• पायांमधील रक्तप्रवाह सुधारण्यास मदत होईल. जेल लावून मसाज केल्यानंतर पाय लेझर घेऊन हलक्या हाताने घासून घ्या.
• पायांवरील डेड स्किन काढून टाकल्यानंतर वाटीमध्ये तांदळाचे पीठ घेऊन त्यात गुलाब पाणी टाकून मिक्स करून घ्या. तयार करून घेतलेली पेस्ट पायांवर लावून हलक्या हाताने मसाज करा. त्यानंतर काहीवेळ पाय तसेच ठेवून घ्या.
• पाय स्वच्छ पाण्याने धुवून झाल्यानंतर इसेन्शिअल तेलाचा वापर करून पाय हलक्या हाताने मसाज करून घ्या. याशिवाय पाय मसाज करताना तुम्ही कोणत्याही तेलाचा वापर करू शकता.

• त्यानंतर काहीवेळ पाय असेच ठेवून नंतर त्यावर सॉक्स घालून ३० मिनिटं पाय असेच ठेवून घ्या. याशिवाय धूळ माती किंवा प्रदूषणाच्या सानिध्यायत चुकूनही जाऊ नये.
• हा उपाय केल्यामुळे पायांवरील डेड स्किन कमी होईल आणि पाय स्वच्छ सुंदर दिसू लागतील.

संबंधित बातम्या