केसांचे सौंदर्य दीर्घकाळ टिकवून ठेवण्यासाठी नियमित खा ‘हा’ पौष्टिक लाडू, महिनाभरात होतील गुडघ्यापर्यंत लांबलचक केस

केस लांबलचक होण्यासाठी कोणत्याही केमिकल युक्त हेअर केअरचा वापर करण्याऐवजी विविध बियांपासून बनवलेल्या लाडूचे सेवन करावे. यामुळे महिनाभरात तुमचे केस मजबूत आणि गुडघ्यापर्यंत मोठे होतील.

सर्वच महिलांना आपले केस कायमच सुंदर आणि मजबूत हवे असतात. केसांच्या वाढीसाठी सतत काहींना काही केले जाते. केसांचे सौंदर्य दीर्घकाळ टिकवून ठेवण्यासाठी महिला कधी हेअर केअर रुटीनमध्ये बदल करतात तर कधी बाजारात उपलब्ध असलेल्या महागड्या प्रॉडक्टचा वापर केसांच्या वाढीसाठी केला जातो. पण वातावरणात होणाऱ्या बदलांच्या परिणामामुळे केसांचे आरोग्य बिघडून जाते. केस गळणे, केस तुटणे, केसांमध्ये कोंडा होणे याशिवाय केसांच्या इतरही समस्या वाढू लागतात. आहारात होणारे बदल, पोषक घटकांची कमतरता, मानसिक तणाव, अपुरी झोप इत्यादी अनेक गोष्टींच्या परिणामामुळे केसांचे आरोग्य सुद्धा बिघडून जाते. याशिवाय तरुण वयात केस पांढरे झाल्यानंतर ते पुन्हा एकदा काळे करण्यासाठी महिला हेअर डाय किंवा हेअर कलर लावतात. यामुळे केस काही दिवस अतिशय सुंदर दिसतात.(फोटो सौजन्य – istock)

Omega 3 आणि Fertility यांचा परस्परसंबंध काय? पुरूष – महिलांच्या दुर्लक्षाने होऊ शकतो आघात; व्हा सावध!

केस सुंदर दिसण्यासाठी केसांना वरून पोषण देण्यासोबतच आतून पोषण देणे सुद्धा तितकेच आवश्यक आहे. आहारात वेगवेगळ्या हेल्दी पदार्थांचे सेवन केल्यामुळे केसांना भरपूर पोषण मिळते आणि केस मजबूत आणि चमकदार दिसतात. म्हणूनच आज आम्ही तुम्हाला केसांची खराब झालेली गुणवत्ता सुधारण्यासाठी आहारात कोणत्या लाडूचा समावेश करावा, याबद्दल सविस्तर माहिती सांगणार. नियमित एक लाडूचे सेवन केल्यास महिनाभरात केस लांबलचक आणि मजबूत होतील. केसांच्या वाढीसाठी आवश्यक पौष्टिक पदार्थांचे सेवन करणे फार गरजेचे आहे.

लाडू बनवण्यासाठी लागणारे साहित्य:

• भोपळ्याच्या बिया
• खरबूजाच्या बिया
• काळे तीळ
• अळशी बिया
• अक्रोड
• शेवग्याच्या पानांची पावडर
• खजूर
• गूळ पावडर
• साजूक तूप

लाडू बनवण्याची कृती:

केसांची खराब झालेली गुणवत्ता सुधारण्यासाठी नियमित एक पौष्टिक लाडू खावा. यासाठी कढईमध्ये तूप गरम करून त्यात सर्व बिया भाजून घ्या. यामुळे बियांमधील ओलावा कमी होण्यास मदत होईल आणि लाडू महिनाभर व्यवस्थित टिकून राहतील. भाजून घेतलेले बिया थंड झाल्यानंतर मिक्सरच्या भांड्यात टाकून बारीक वाटून घ्या. त्यानंतर त्यात शेवग्याच्या पानांची पावडर, गुळाची पावडर, वेलची पावडर घालून व्यवस्थित मिक्स करा. सगळ्यात शेवटी मिक्सरमधून बारीक वाटून घेतलेले खजूर आणि तुमच्या आवडीनुसार सुका मेवा घालून व्यवस्थित मिश्रण मिक्स करून घ्या. त्यानंतर त्यात गरम करून घेतलेले तूप घालून लाडूच्या मिश्रणात घाला आणि व्यवस्थित मिक्स करा. त्यानंतर लाडू वळून घ्या. सकाळच्या नाश्त्यात नियमित एक पौष्टिक लाडू खाल्ल्यास केसांच्या समस्या कमी होऊन केसांची गुणवत्ता सुधारेल.

त्वचेसाठी बटाटा ठरेल वरदान! ‘या’ पद्धतीने नियमित चेहऱ्यावर लावा बटाट्याचा रस, आठवडाभरात त्वचा होईल चमकदार

नियमित लाडू खाण्याचे फायदे:

केसांच्या वाढीसाठी नियमित एक लाडू सकाळच्या नाश्त्यात खावा. अळशीच्या बियांमध्ये असलेले ओमेगा-३ फॅटी ऍसिड केसांच्या मुळांना घट्ट धरून ठेवते. भोपळ्याच्या बियांमध्ये भरपूर प्रमाणात झिंक आढळून येते. त्यामुळे नियमित भोपळ्याच्या बिया खाव्यात. तीळ आणि शेवग्याच्या शेंगा केसांमधील मेलॅनिन दीर्घकाळ टिकवून ठेवण्यास मदत करते. यामुळे तुमचे केस लवकर पांढरे होत नाही.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.