त्वचेसाठी बटाटा ठरेल वरदान! 'या' पद्धतीने नियमित चेहऱ्यावर लावा बटाट्याचा रस
उन्हाळ्याच्या दिवसांमध्ये घराबाहेर पडल्यानंतर चेहऱ्यावर खूप जास्त टॅनिंग वाढते आणि त्वचा पूर्णपणे निस्तेज होऊन जाते. त्वचेच्या समस्या वाढू लागल्यानंतर महिला सतत काहींना काही करतात. कधी बाजारात उपलब्ध असलेल्या महागड्या क्रीम आणून लावल्या जातात तर कधी स्किन केअर रुटीनमध्ये बदल करून त्वचेची काळजी घेतली जाते.हात, पाय आणि मानेवर टॅनिंग वाढल्यानंतर त्वचा खूप जास्त काळी दिसू लागते. चेहऱ्यावर नैसर्गिक चमक आणि ग्लो मिळवण्यासाठी कायमच बाजारात उपलब्ध असलेले प्रॉडक्ट वापरले जातात. पण यामुळे त्वचेवर फारकाळ ग्लो टिकून राहत नाही. त्वचा काही दिवसानंतर पुन्हा एकदा होती तशीच होऊन जाते. त्यामुळे कायमच महागड्या ट्रीटमेंट करण्याऐवजी घरगुती उपाय करून त्वचेवर वाढलेले टॅनिंग कमी करावे. आज आम्ही तुम्हाला चेहऱ्यावर वाढलेले टॅनिंग घालवण्यासाठी बटाट्याचा वापर कसा करावा, याबद्दल जाणून घेऊया सविस्तर माहिती.(फोटो सौजन्य – istock)
बटाटा त्वचेसाठी खूप जास्त फायदेशीर मानला जातो. यामध्ये असलेले नैसर्गिक गुणकारी घटक त्वचा आतून स्वच्छ करण्यास मदत करते. चेहऱ्यावर वाढलेले काळे डाग किंवा पिंपल्स कमी करण्यासाठी तुम्ही बटाट्याच्या रसाचा वापर करू शकता. यामध्ये असलेले विटामिन सी, अँटिऑक्सिडंट्स इत्यादी अनेक घटक त्वचा उजळदार करण्यास मदत करतात. त्वचेचे होणारे नुकसान कमी करण्यासाठी बटाट्याच्या रसाचा वापर करावा. यामध्ये असलेले नैसर्गिक एन्झाइम्स आणि स्टार्च त्वचेला आतून थंडावा देतात. उन्हामुळे त्वचेमध्ये वाढलेली जळजळ, लालसरपणा आणि रॅश कमी करण्यासाठी बटाट्याचा रस अतिशय प्रभावी ठरतो. यामध्ये असलेले नैसर्गिक ब्लिचिंग गुणधर्म त्वचेवर वाढलेले टॅनिंग कमी करण्यास मदत करते.
चेहऱ्यावर वाढलेले टॅनिंग किंवा काळे डाग कमी करण्यासाठी बटाट्याचा अतिशय सोप्या पद्धतीने वापर करावा. यासाठी बटाट्याचे काप करून डोळ्यांवर ठेवावे. याशिवाय साल काढून बटाटा किसून घ्या. त्यानंतर त्यातील रस काढून घ्या. बटाट्याच्या रसात कोरफड गर किंवा गुलाब पाणी घालून मिक्स करा आणि संपूर्ण चेहऱ्यावर लावून काहीवेळ तसेच ठेवा. त्यानंतर त्वचा कोमट पाण्याने स्वच्छ करून घ्या. आठवडाभर नियमित बटाट्याचा रस चेहऱ्यावर लावल्यास डोळ्यांभोवती वाढलेले काळे डाग कमी होण्यासोबतच त्वचा उजळदार होण्यास मदत होईल.
काळवंडलेली त्वचा सुधारण्यासाठी बटाट्याच्या रसाचा वापर करावा. यामुळे तुमची त्वचा मऊ आणि खूप फ्रेश वाटते. उन्हामुळे चेहऱ्यावर जमा होणारे अतिरिक्त तेल कमी करण्यासाठी बटाट्याच्या रसाचा वापर करावा. त्वचेवर नैसर्गिक ग्लो वाढवण्यासाठी कायमच घरगुती पदार्थांचा वापर करावा. यामुळे त्वचेवर नैसर्गिक ग्लो येतो आणि त्वचा अतिशय सुंदर दिसते.
