फॅटी लिव्हरच्या समस्येपासून आराम मिळवण्यासाठी आयुर्वेदातील ‘हे’ गुणकारी उपाय,लिव्हरला आलेली सूज होईल कमी

चुकीची जीवनशैली, खाण्यापिण्याच्या चुकीच्या पद्धती इत्यादी गोष्टींचा परिणाम आरोग्यावर लगेच दिसून येतो. ज्यामुळे अनेकदा फॅटी लिव्हरची समस्या उद्भवू लागते. तसेच मद्यपान न करणाऱ्या लोकांमध्ये सुद्धा फॅटी लिव्हरची समस्या आढळून येते. लिव्हरला सूज येणे, वजन अचानक कमी होणे, भूक न लागणे, सतत थकवा जाणवणे इत्यादी लक्षणे दिसू लागल्यास डॉक्टरांच्या सल्ल्याने उपचार करावे. अन्यथा लिव्हर खराब होण्याची शक्यता असते. मात्र आज आम्ही तुम्हाला फॅटी लिव्हरच्या समस्येपासून आराम मिळवण्यासाठी आयुर्वेदातील काही सोपे उपाय सांगणार आहोत. हे उपाय नक्की करून पहा.

फॅटी लिव्हरच्या समस्येपासून आराम मिळवण्यासाठी आयुर्वेदातील प्रभावी उपाय:

हळद:

फॅटी लिव्हरच्या समस्येपासून आराम मिळवण्यासाठी हळदीचा वापर करावा. हळदीमध्ये असलेले गुणधर्म आरोग्यासाठी अतिशय गुणकारी आहे. लिव्हरच्या आरोग्यासाठी हळद फायदेशीर आहे. हळदीमध्ये अँटीऑक्सिडंट्स आणि अँटी-इंफ्लेमेटरी गुणधर्म आढळून येतात, ज्यामुळे लिव्हरचे नुकसान होत नाही. तसेच लिव्हरमधील जळजळ कमी होऊन आराम मिळतो. यासाठी कोमट पाण्यात चिमूटभर हळद टाकून पाण्याचे सेवन करा.

त्रिफळा चूर्ण:

त्रिफळा चूर्णचा वापर अनेक गोष्टींसाठी केला जातो. यामध्ये अँटीऑक्सिडंट्स आणि अँटी-इंफ्लेमेटरी गुणधर्म आढळून येतात, ज्यामुळे लिव्हरचे नुकसान होत नाही. लिव्हरला आलेली सूज कमी होऊन आराम मिळतो. लिव्हरमध्ये जळजळ होत असल्यास त्रिफळा चूर्णाच्या पाण्याचे सेवन करावे. यामुळे शरीरातील विषारी घटक बाहेर पडून जातात.

लाईफस्टाईल संबंधित बातम्यांसाठी इथे क्लिक करा

आवळ्याची पावडर:

आवळ्यामध्ये विटामिन सी आणि ए आढळून येते, जे आरोग्यासाठी अतिशय फायदेशीर आहे. सकाळी उठल्यानंतर कोमट पाण्यात आवळ्याच्या पावडरचे सेवन केल्यास शरीरात साचून राहिलेली विषारी घाण बाहेर पडून जाईल आणि शरीर स्वच्छ होईल. फॅटी लिव्हरच्या समस्येपासून आराम मिळ्वण्यासाठी आवळ्याच्या पावडरचा वापर करा. यामुळे लिव्हरचे नुकसान होत नाही आणि शरीराला अनेक फायदे होतात.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.

संबंधित बातम्या