महाराष्ट्राचा फेमस आणि पारंपरिक पदार्थ ज्वारीचे शेंगोळे कधी खाल्ले आहेत का? रसरशीत भाजी अन् चव चाखाल तर फॅन व्हाल

ज्वारीचे शेंगोळे हा ग्रामीण भागातील एक फेमस पदार्थ आहे ज्यात ज्वारीचे शेंगोळे झणझणीत रश्श्यात शिजवून खाण्यासाठी सर्व्ह केले जातात. हा पदार्थ पावसाळ्यात आणि हिवाळ्यात अधिकतर खाल्ला जातो.

महाराष्ट्राची खाद्यसंस्कृती अतिशय वैविध्यपूर्ण आहे. गावोगावी, पिढ्यानपिढ्या चालत आलेल्या पारंपरिक रेसिपी अजूनही आपल्या घराघरात जपल्या जातात. अशाच एका पारंपरिक व पौष्टिक डिशचे नाव आहे – शेंगोळे. ग्रामीण भागात तर याला एक वेगळीच ओळख आहे. पावसाळ्यात किंवा हिवाळ्यात गरमागरम शेंगोळ्यांचा रस्सा आणि भात ही एक अप्रतिम मेजवानी ठरते. यामध्ये बाजरी किंवा ज्वारीच्या पिठाचा वापर केल्याने हे अधिक पौष्टिक होते. मसालेदार रस्स्यात उकडलेले शेंगोळे मऊसर आणि स्वादिष्ट लागतात.

सेलिब्रिटींच्या आवडीचा नाश्ता अवोकाडो टोस्ट घरी कसा बनवायचा? आजच जाणून घ्या हेल्दी पण तितकीच चविष्ट अशी रेसिपी

शेंगोळ्यांची खासियत म्हणजे हे घरगुती, सोपे आणि पोटभरीचे जेवण आहे. यात कारल्याच्या, वांग्याच्या, शेवग्याच्या शेंगा किंवा इतर भाज्या घालून त्याला अजून चविष्ट करता येते. यामुळे हे केवळ स्वादिष्टच नाही तर आरोग्यदायी देखील आहे. चला तर पाहूया महाराष्ट्रीयन स्टाईल शेंगोळे कसे करायचे.

साहित्य:

• २ कप ज्वारी किंवा बाजरीचं पीठ
• १ कप गव्हाचं पीठ
• २ टेबलस्पून तांदळाचं पीठ
• १ कांदा (बारीक चिरलेला)
• २ टोमॅटो (बारीक चिरलेले)
• १ कप शेवग्याच्या शेंगा (ऐच्छिक)
• २ टीस्पून लाल तिखट
• १ टीस्पून हळद
• २ टीस्पून धने-जिरे पावडर
• १ टीस्पून गोडा मसाला
• चवीनुसार मीठ
• २ टेबलस्पून तेल
• १ टीस्पून मोहरी, जिरे
• कढीपत्ता, कोथिंबीर सजावटीसाठी
• आवश्यकतेनुसार पाणी

सकाळ करा हेल्दी, सकाळच्या नाश्त्याला कडधान्यांपासून बनवा प्रथिने, जीवनसत्त्वे आणि फायबरने भरलेला चविष्ट चिला

कृती:

• सर्वप्रथम ज्वारी/बाजरीचे पीठ, गव्हाचे व तांदळाचे पीठ एकत्र करून त्यात मीठ व थोडंसं गरम पाणी घालून घट्टसर पीठ भिजवून घ्या.
• या पिठाचे छोटे छोटे गोळे घेऊन हाताने लांबसर शेंगोळे वळून तयार करून बाजूला ठेवा.
• एका कढईत तेल गरम करून त्यात मोहरी, जिरे, कढीपत्ता टाकून फोडणी द्या.
• त्यात कांदा परतून घ्या. नंतर टोमॅटो टाकून मऊ होईपर्यंत शिजवा.
• आता हळद, लाल तिखट, धने-जिरे पावडर, गोडा मसाला टाकून मसाला छान परता.
• यामध्ये शेंगा किंवा हवी ती भाजी टाकून थोडं शिजू द्या. मग भरपूर पाणी घालून रस्सा उकळायला ठेवा.
• रस्सा उकळला की तयार केलेले शेंगोळे त्यात टाका आणि मंद आचेवर झाकण ठेवून १५-२० मिनिटे शिजवा.
• वरून कोथिंबीर टाकून गरमागरम शेंगोळे भाताबरोबर किंवा भाकरीसोबत सर्व्ह करा.

FAQs (संबंधित प्रश्न)

शेंगोळे कशापासून बनवतात?
शेंगोळे बनवण्यासाठी मुख्यत्वे ज्वारीचे पीठ वापरले जाते, परंतु काही वेळा गव्हाचे पीठ आणि बेसन (हरभऱ्याचे पीठ) देखील वापरले जाते.

हे पौष्टिक आहेत का?
होय, ज्वारी आणि इतर धान्यांच्या पिठांपासून बनवलेले असल्यामुळे हे अतिशय पौष्टिक असतात.