Father’s Day 2025: वडिलांना खुश करा, घरी बनवा टेस्टी अँड हेल्दी Wholewheat Chocolate Chip Cookies

फादर्स डे ला तुमचं प्रेम आणि ही कुकीज – एक परिपूर्ण गोड भेट! तेच तेच विकतचे गिफ्ट्स विसरा आणि यंदा आपल्या वडिलांसाठी घरीच एक गोड पदार्थ बनवा. संध्याकाळी चहा किंवा कॉफीसोबत तुम्ही हे कुकीज वडिलांना सर्व्ह करू शकता.

Father’s Day 2025 Marathi News: १५ जून रोजी देशभरात फादर्स डे साजरा केला जाणार आहे. या खास दिवशी लोक आपल्या वडिलांसाठी काही स्पेशल करू पाहतात. कोणी ग्रीटिंग कार्ड देत तर कुणी वडिलांना काही गिफ्ट भेट करतं. यासोबतच तुम्ही आणखीन एक खास गोष्ट तुमच्या वडिलांसाठी भेट करू शकता. ही भेट तुमच्या वडिलांच्या स्मरणात राहील. नेहमीचे विकतचे गिफ्ट्स सोडा आणि यंदा आपल्या प्रिय वडिलांसाठी घरीच एक खास पदार्थ बनवा!

जगातील टॉप 50 ब्रेकफास्टच्या यादीत भारताच्या या 3 पदार्थांचा समावेश; महाराष्ट्रीयन पदार्थाने मारली अव्वल स्थानी बाजी

फादर्स डे म्हणजे आपल्या वडिलांसाठी प्रेम, आभार आणि गोड आठवणींनी भरलेला एक खास दिवस. या खास दिवशी त्यांना काहीतरी गोड, आरोग्यदायी आणि घरच्या घरी बनवलेलं द्यायचं असेल, तर होल व्हीट चॉकलेट चिप कुकीज ही एक उत्तम आणि स्वादिष्ट निवड आहे! गव्हाच्या पीठामुळे कुकीज अधिक हेल्दी होतात आणि चॉकलेट चिप्समुळे त्या प्रत्येक बाइटमध्ये गोडसर आनंद भरलेला असतो. चला यासाठी लागणारे साहित्य आणि कृती जाणून घेऊया.

साहित्य

• गव्हाचे पीठ (whole wheat flour) – 1 कप
• बेकिंग पावडर – 1/2 टीस्पून
• मीठ – 1 चिमूटभर
• बटर – 1/2 कप
• गूळ किंवा ब्राऊन शुगर – 1/2 कप
• साखर – 2 टेबलस्पून
• व्हॅनिला इसेन्स – 1 टीस्पून
• दूध – 2-3 टेबलस्पून
• चॉकलेट चिप्स – 1/3 कप

Father’s Day 2025: आपल्या वडिलांसाठी काही खास करा, घरी बनवा सोपा आणि टेस्टी रवा केक

कृती

• व्होल वीट चॉकलेट चिप्स तयार करण्यासाठी सर्वप्रथम ओव्हन 180°C (350°F) वर प्रीहीट करा. बेकिंग ट्रेवर
• बटर पेपर लावा किंवा थोडं लोणी लावून ग्रीस करा.
• एका बाऊलमध्ये गव्हाचं पीठ, बेकिंग पावडर आणि मीठ चाळून ठेवा.
• दुसऱ्या मोठ्या बाऊलमध्ये लोणी, गूळ/ब्राऊन शुगर आणि साखर एकत्र फेटा जोपर्यंत मिश्रण मऊ आणि हलकं होत नाही.
• त्यात व्हॅनिला इसेन्स आणि थोडं थोडं दूध घालून नीट फेटा.
• आता कोरडं मिश्रण ओल्या मिश्रणात थोडं थोडं घालून नीट मिक्स करा, याने एक चिकटसर पीठ तयार होईल.
• आता यात चॉकलेट चिप्स घालून हळूवार मिसळा.
• तयार मिश्रणाचे छोटे छोटे गोळे करून ट्रेवर ठेवा (थोडं अंतर ठेवा कारण त्या फुगतात). ओव्हनमध्ये 10-12 मिनिटं
• बेक करा, कुकीज हलक्या सोनेरी रंगाच्या होईपर्यंत त्यांना छान बेक करा
• थोडं थंड झाल्यावर फादरसोबत चहा किंवा दूधासोबत या कुकीजना सर्व्ह करा
• हवे असल्यास याच कुकीजमध्ये ड्रायफ्रूट्स किंवा ओट्स घालून याची चव आणखीन वाढवू शकता