
थंडीच्या दिवसांमध्ये त्वचा दिसेल फ्रेश! अळशी-कोरफडीच्या जेलचा नियमित वापर केल्यास त्वचेला मिळेल हायड्रेशन
Flaxseed Aloe Vera Gel: हिवाळा ऋतूला सुरुवात झाल्यानंतर त्वचा आणि केसांच्या समस्या वाढू लागतात. त्वचा कोरडी पडणे, सुरकुत्या येणे, बारीक रेषा दिसणे इत्यादी समस्या वाढू लागल्यानंतर महिला वेगवेगळे उपाय करतात. त्वचेला हायड्रेशन देण्यासाठी बाजारात उपलब्ध असलेल्या महागड्या प्रॉडक्टचा वापर केला जातो तर काहीवेळा वेगवेगळ्या स्किन ट्रीटमेंट करून त्वचेची काळजी घेतली जाते. त्वचा कोरडी, निस्तेज झाल्यानंतर कोणतेही मॉइश्चरायझर लावल्यानंतर सुद्धा त्वचा कोरडीच दिसते. थंड वारे आणि हवेतील आद्रता कमी झाल्यानंतर त्वचेतील नैसर्गिक ओलावा हळूहळू कमी होऊ जातो आणि त्वचा सुकल्यासारखी दिसते.(फोटो सौजन्य – istock)
चेहरा कोरडा, निस्तेज आणि रखरखीत दिसू लागल्यानंतर त्वचा ताणल्यासारखी वाटते आणि रॅश येतात. दिवसभरात कितीही वेळा मॉइश्चरायझर लावल्यानंतर सुद्धा त्वचेमधील कोरडेपणा काही केल्या कमी होत नाही. त्यामुळे वारंवार केमिकल युक्त स्किन केअरचा वापर करण्याऐवजी स्वयंपाक घरात उपलब्ध असलेल्या पदार्थांचा वापर त्वचेसाठी करावा. आज आम्ही तुम्हाला हिवाळ्यात त्वचेला हायड्रेशन देण्यासाठी अळशी-कोरफडीचे जेल तयार करण्याची सोपी रेसिपी सांगणार आहोत. या पद्धतीने जेल त्वचेवरील नैसर्गिक ओलावा कायम टिकवून ठेवण्यास मदत करते आणि त्वचा आतून हायड्रेट करते.
अळशीच्या बिया
कोरफड जेल
विटामिन ई कँप्सूल
बदाम तेल
जेल तयार करण्यासाठी सर्वप्रथम, पॅनमध्ये अळशीच्या बिया मंद आचेवर भाजा आणि त्यावर त्यात पाणी घालून शिजण्यासाठी ठेवा. बियांना मंद आचेवर एक उकळी आल्यानंतर गॅस बारीक करा आणि ५ मिनिटं शिजण्यासाठी ठेवा. त्यानंतर घट्टसर जेल झाल्यानंतर गॅस बंद करून मिश्रण गाळून घ्या. अळशीच्या बियांचे मिश्रण घट्टसर मिश्रण कोमट झाल्यानंतर कॉटनच्या कपड्यावर ओतून गाळून घ्या. तयार केलेले जेल वाटीमध्ये काढून त्यात कोरफड जेल, विटामिन ई कँप्सूल आणि बदाम किंवा खोबरेल तेल घालून जेल तयार करा.
skincare tips: चुकीच्या सवयी मुळे येतायत चेहऱ्यावर पिंपल्स,कारण व लक्षणं काय?
रात्री झोपण्याआधी चेहरा फ्रेशवॉशने स्वच्छ धुवून घ्या. त्यानंतर कोरडा करा आणि त्यावर तयार केलेले अळशीच्या बियांचे जेल लावून हलक्या हाताने मसाज करा आणि रात्रभर तसेच ठेवा. यामुळे त्वचेवर कोणतीही जळजळ किंवा लालसरपणा येत नसेल तर नियमित लावावे. थंडीच्या दिवसांमध्ये त्वचेला हायड्रेशन देण्यासाठी केवळ जेलच नाहीतर नियमित भरपूर पाणी सुद्धा आवश्यक आहे. पाण्यासोबतच आहारात पाणीदार फळांचे आणि भाज्यांचे सेवन करावे. यामुळे त्वचा आतून स्वच्छ आणि हायड्रेट राहण्यस मदत होते.
Ans: अळशी आणि कोरफडीच्या जेलमुळे त्वचेला ओलावा मिळण्यास मदत होते. यामुळे त्वचा मऊ, मुलायम आणि फ्रेश दिसू शकते.
Ans: अळशी पाण्यात उकळून त्यातून तयार होणारे जेल गाळून घ्यावे. त्यानंतर त्यामध्ये ताजे कोरफडीचे जेल मिसळून एकजीव करावे.
Ans: होय. हिवाळ्यात त्वचा कोरडी आणि निर्जीव दिसू शकते. अळशी-कोरफडीचे जेल त्वचेला हायड्रेशन देण्यास मदत करू शकते.