रव्यापासून बनवा चविष्ट आणि पौष्टिक टिक्की, सकाळच्या नाश्त्यासाठी परफेक्ट रेसिपी

सकाळच्या नाश्त्याला पौष्टिक आणि चविष्ट अशा रेसिपीच्या शोधात असाल तर आजची ही रेसिपी तुमच्या फायद्याची ठरणार आहे. आज आम्ही तुम्हाला रवा आणि पोह्यापासून स्वादिष्ट अशी टिक्की कशी तयार करायची याची एक हटके रेसिपी शेअर करत आहोत. ही एक झटपट रेसिपी आहे, त्यामुळे सकाळच्या घाईगडबडीच्या वेळी तुम्ही ही रेसिपी बनवण्याचा विचार करू शकता.

सकाळचा नाश्ता आपल्या आरोग्यासाठी फार फायदेशीर ठरत असतो. सकाळचा नाश्ता हा नेहमी हेल्दी करण्याचा सल्ला दिला जातो. यामुळे दिवसभर आपल्या शरीरात एनर्जी कायम राहते आणि काम करण्यासाठी आपल्या शरीरात उत्साह राहतो. आता सकाळचा नाश्ता म्हटलं की गृहिणींना काय करावे ते सुचत नाही अशात काही पौष्टिक बनवायचे म्हटले की घरातील लहान मुले त्या पदार्थाकडे तोंड लावायला बघत नाही.

अशात गृहिणी नेहमीच पौष्टिक आणि स्वादिष्ट अशा रेसिपीच्या शोधात असतात. म्हणूनच आज आम्ही तुमच्यासाठी एक अशीच रेसिपी घेऊन आलो आहोत. ही रेसिपी चवीला तर छान लागतेच मात्र आरोग्यासाठीही ही फायद्याची ठरते. तसेच ही रेसिपी लहानांपासून मोठ्यांपर्यंत सर्वांनाच फार आवडेल. सकाळच्या नाश्त्यासाठी तुम्ही या रेसिपीचा विचार करू शकता. जाणून घ्या यासाठी लागणारे साहित्य आणि कृती.

हेदेखील वाचा – विसर्जनावेळी बाप्पासाठी बनवा नट्स चॉकलेट मोदक, बाप्पासोबत लहान मुलेही होतील खुश

साहित्य

• पोहे 1 वाटी
• रवा 1/2 कप
• दही 1/2 कप
• चिली फ्लेक्स 1/2 टीस्पून
• ओरेगॅनो 1/2 टीस्पून
• मोहरी 1/2 टीस्पून
• तीळ 1 टीस्पून
• हिंग 1 चिमूटभर
• कोथिंबीर 2 चमचे
• चवीनुसार मीठ

हेदेखील वाचा – Ganesh Chaturthi 2024: बाप्पाला प्रसन्न करण्यासाठी घरी बनवा पारंपरिक सातूचे लाडू

कृती

• यासाठी सर्वप्रथम एक काप पोहे आणि अर्धी वाटी रवा वेगवगेळे भिजत ठेवा
• रवा भिजला की मग यात दही टाका आणि मिक्स करा आणि झाकण ठेवून 10 मिनिटे बाजूला ठेवून द्या
• आता भिजवलेल्या पोह्यातील पाणी वेगळे करा
• रव्याच्या मिश्रणात पोहे घालून मिक्स करा
• आता चवीनुसार मीठ आणि चिरलेली कोथिंबीर घालून चांगलं एकजीव करून घ्या
• आता हातावर तेल लावून तयार मिश्रणाची टिक्की तयार करून घ्या
• यानंतर यांना वाफवण्यासाठी गॅसवर एक भांडे ठेवा आणि यावर जाळीदार प्लेट ठेवा
• मग यावर तयार टिक्की ठेवून 15-20 मिनिटे छान वाफवून घ्या
• यानंतर एका कढईत एक चमचा तेल घालून त्यात हिंग, मोहरी, चिली फ्लेक्स, ओरेगॅनो आणि चिरलेली कोथिंबीर घालून परतून घ्या
• मग यात तयार टिक्की मिसळून घ्या आणि गॅस बंद करा
• तयार टिक्की पुदिन्याची चटणी किंवा सॉससोबत खाण्यासाठी सर्व्ह करा
• तुम्हाला हवे असल्यास तुम्ही ही टिक्की शॅलो फ्रायदेखील करू शकता