Coconut Chutney Recipe: अस्सल पारंपरिक पद्धतीने बनवा ओल्या खोबऱ्याची झणझणीत चटणी, कोणत्याही पदार्थासोबत लागेल भन्नाट चव

Coconut Chutney Recipe: इडली, डोसा बनवल्यानंतर त्याच्यासोबत खाण्यासाठी आवर्जून ओल्या खोबऱ्याची चटणी बनवली जाते. झणझणीत फोडणी देऊन बनवलेला पदार्थ चवीला अतिशय सुंदर लागतो. चला तर जाणून घेऊया रेसिपी.

Coconut Chutney Recipe: ओल्या खोबऱ्याचा वापर जेवणातील विविध पदार्थ बनवण्यासाठी केला जातो. ओल्या खोबऱ्याची चटणी, डाळ किंवा इतर पदार्थांमध्ये ओल खोबर टाकले जाते. इडली, डोसा, आंबोळी किंवा गरमागरम बटाटे वडे बनवल्यानंतर त्यासोबत ओल्या खोबऱ्याची चटणी अतिशय आवडीने खाल्ली जाते. ओल्या खोबऱ्याचा गोडवा, मिरचीचा तिखटपणा आणि झणझणीत फोडणी देऊन बनवलेली चटणी चवीला अतिशय सुंदर लागते. ओल्या खोबऱ्याची चटणी २४ तासांपर्यंत व्यवस्थित टिकून राहते. त्यामुळे आवश्यकतेनुसार चटणी बनवावी. बऱ्याचदा चटणी बनवताना ती खूप जास्त पातळ होऊन जाते, ज्यामुळे चटणीची चव चांगली लागत नाही. या पारंपरिक पद्धतीने चटणी बनवल्यास पदार्थाची चव उत्तम लागेल. चला तर जाणून घेऊया रेसिपी.(फोटो सौजन्य – istock)

Weight Loss: वाढलेल्या वजनाने त्रस्त आहात? मग सकाळच्या नाश्त्यात करा दुधी भोपळ्याच्या सूपचे सेवन, पोटावरील चरबी जाईल वितळून

साहित्य:

• ओल्या खोबऱ्याचा किस
• हिरवी मिरची
• मीठ
• लसूण
• आलं
• भाजलेली चणा डाळ
• कोथिंबीर
• लिंबाचा रस
• मोहरी
• कढीपत्त्याची पाने
• तेल
• हिंग

जीभेवर ठेवताच विरघळणारे मऊ आणि चवदार चुरमा लाडू बनवण्याची सर्वात सोपी पद्धत; प्रत्येकजण विचारेल रेसिपी!

कृती:

• ओल्या खोबऱ्याची चटणी बनवण्यासाठी सर्वप्रथम, ओल्या खोबऱ्याचा किस काढून घ्या. खोबऱ्याचा किस ताजा असल्यास चटणीची चव मस्त लागेल.
• मिक्सरच्या भांड्यात ओल्या खोबऱ्याचा किस, हिरवी मिरची, आलं, लसूण आणि चवीनुसार मीठ घालून चटणी वाटून घ्या.
• वाटून घेतलेल्या मिश्रणात अर्धा दोन चमचे भाजलेली चणा डाळ टाकून पुन्हा एकदा वाटून घ्या. आवश्यकता वाटल्यास चटणीमध्ये पाणी घालावे.
• फोडणीच्या भांड्यात तेल गरम करून त्यात मोहरी, कढीपत्ता आणि हिंग भाजून घ्या.
• भाजलेले फोडणी तयार केलेल्या चटणीमध्ये टाकून व्यवस्थित मिक्स करा. तयार आहे सोप्या पद्धतीमध्ये बनवलेली ओल्या खोबऱ्याची चवदार चटणी.
• ओल्या खोबऱ्याची चटणी २४ तासांच्या आतमध्ये संपवून टाकावी अन्यथा खराब होण्याची जास्त शक्यता असते.