Nankhatai Recipe: ‘या’ टिप्स फाॅलो करून प्रेशर कुकरमध्ये बनवा बेकरीस्टाईल खुसखुशीत नानकटाई, खाताना प्रत्येकजण करेल कौतुक

Nankhatai Recipe: आज आम्ही तुम्हाला प्रेशर कुकरमध्ये बनवा बेकरीस्टाईल खुसखुशीत नानकटाई बनवण्याची सोपी रेसिपी सांगणार आहोत. हा पदार्थ चहासोबत किंवा नुसताच सुद्धा खाऊ शकता. चला तर जाणून घेऊया रेसिपी.

Nankhatai Recipe: दिवाळी सणाला अवघे काही दिवस शिल्ल्क राहीले आहेत. सणावरांच्या दिवसांमध्ये घरात वेगवेगळे गोडाचे पदार्थ बनवले जातात. त्यातील सगळ्यांच्या आवडीचा पदार्थ म्हणजे नानकटाई. नानकटाई हा अतिशय लोकप्रिय पदार्थ आहे. पारंपरिक भारतीय कुकीज सगळ्यांच्या घरात आवर्जून बनवले जाते. लहानांपासून ते अगदी मोठ्यांपर्यंत सगळ्यांच नानकटाई खायला खूप जास्त आवडते. ओव्हनशिवाय किंवा एअर फ्रायरशिवाय नानकटाई बनवता येत नाही असे कायमच सगळ्यांना वाटते. पण घरच्या घरी कुकरमध्ये सुद्धा बेकरीसारखी परफेक्ट नानकटाई बनवू शकता. तोंडात टाकताच विरघळून जाणारी नानकटाई एकदा खाल्ल्यानंतर पुन्हा पुन्हा खाण्याची सगळ्यांच ईच्छा होईल. कुकर, ओव्हन आणि एअर फ्रायरमध्ये नानकटाई बनवण्याऐवजी कुकरमध्ये झटपट होणारी नानकटाई तुम्ही बनवू शकता. चला तर जाणून घेऊया रेसिपी.(फोटो सौजन्य – istock)

Coconut Chutney Recipe: अस्सल पारंपरिक पद्धतीने बनवा ओल्या खोबऱ्याची झणझणीत चटणी, कोणत्याही पदार्थासोबत लागेल भन्नाट चव

साहित्य:

• तूप
• पिठीसाखर
• वेलची पावडर
• मैदा
• बेसन
• रवा
• बेकिंग पावडर
• बारीक केलेले पिस्ते
• कुकर
• मीठ

Weight Loss: वाढलेल्या वजनाने त्रस्त आहात? मग सकाळच्या नाश्त्यात करा दुधी भोपळ्याच्या सूपचे सेवन, पोटावरील चरबी जाईल वितळून

कृती:

• बेकरीस्टाईल खुसखुशीत नानकटाई बनवण्यासाठी ताटात तूप सगळीकडे पसरवून घ्या. त्यानंतर तूप सेट होण्यासाठी फ्रीजमध्ये ठेवून घ्या.
• थंड झालेले तूप एका मोठ्या वाटीमध्ये काढून त्यात पिठीसाखर आणि वेलची पावडर घालून व्हिस्करच्या मदतीने फेटून घ्या.
• तूपाचे मिश्रण मऊ, हलके आणि क्रिमी होत नाही तोपर्यंत व्यवस्थित मिक्स करा. फेटलेल्या क्रिमी मिश्रणात मैदा, बेसन, रवा आणि बेकिंग पावडर घालून मिक्स करा.
• हलक्या हाताने सर्व साहित्य एकत्र करुन पिठाचा मऊ गोळा बनवा. मळून घेतलेले पीठ १० मिनिट फ्रीजमध्ये मुरण्यासाठी ठेवा.
• त्यानंतर छोटे छोटे गोळे करून तयार केलेल्या नानकटाईवर दाब देऊन वर सजावटीसाठी पिस्ते आणि सुकलेल्या गुलाबाच्या पाकळ्या लावून सजवा.
• कुकरमध्ये तळाशी मीठ पसरवून घ्या आणि स्टँड ठेवून रबर व शिट्टी काढून झाकण बंद करा. कुकर स्लो गॅसवर १० मिनिटे प्रीहीट होण्यासाठी ठेवा.
• तूप लावलेल्या प्लेट किंवा बेकिंग ट्रेवर नानखटाई ठेवून कुकरचे झाकण लावा आणि मंद आचेवर १५ ते २० मिनिटे बेक होण्यासाठी ठेवा. खालचा भाग हलका सोनेरी रंगचा झाल्यानंतर नानकटाई बाहेर काढून घ्या.
• तयार आहेत सोप्या पद्धतीमध्ये बनवलेली बेकरीस्टाईल खुसखुशीत नानकटाई. घरातील प्रत्येक व्यक्ती नानकटाईचे कौतुर करेल.