Ganesh Chaturthi Recipe: बाप्पाच्या प्रसादासाठी बनवा बुंदीचा चविष्ट मोदक

गणोशोत्सव सणानिमित्त आज आम्ही तुम्हाला बुंदीचे मोदक कसे तयार करायचे याची एक सोपी रेसिपी सांगत आहोत. ही रेसिपी फार कमी साहित्यापासून आणि कमी वेळेत बनून तयार होते. तुम्हालाही बाप्पासाठी काही हटके पण त्याच्या आवडीचे बनवायचे असेल तर तुम्ही ही रेसिपी ट्राय करू शकता.

आता लवकरच आपल्या मायानगरीत गणेशाचे आगमन होणार आहे. गणेशोत्सव हा सण हिंदू धर्मातील एक पवित्र सणांपैकी एक आहे. आता बाप्पाच्या आगमनाची तयारी सुरु झाली असून अनेकांना बाप्पाच्या आगमनाची आतुरता लागून राहिली आहे. आता बाप्पा म्हटलं की त्यांचे आवडते मोदक हे आलेच. मोदक हा बाप्पाचा सर्वात आवडता पदार्थ आहे त्यामुळेच बाप्पाच्या प्रसादासाठी आणि नैवेद्यासाठी नेहमी मोदक तयार केले जातात.

आता बदलत्या काळानुसार मोदकांचे अनेक प्रकार बाजारात आलेत. जसे की, चॉकलेट मोदक, मलाई मोदक. तुम्हाला बुंदीचे लाडू खायला आवडत असतील तर आजची ही रेसिपी तुम्ही गणेश चतुर्थीला तयार करू शकता. आज आपण बुंदीपासून चविष्ट लाडू कसे तयार करायचे याची एक सोपी रेसिपी जाणून घेणार आहोत. ही रेसिपी चविष्ट आणि फार सोपी आहे. फार कमी वेळेत तुमचे हे चविष्ट मोदक बनून तयार होतील. जाणून घ्या यासाठी लागणारे साहित्य आणि कृती.

हेदेखील वाचा –  हरतालिकेच्या पूजेवेळी नैवेद्यासाठी बनवा चविष्ट तांदळाची खीर, नोट करा पारंपरिक रेसिपी

साहित्य

• 2 वाटी बेसन पीठ
• 3 वाटी साखर
• 1 वाटी ड्राय फ्रुट्स
• तेल आवश्यतकतेनुसार

हेदेखील वाचा – Ganesh Chaturthi 2024: गणेशोत्सवनिमित्त घरी बनवा केसर माव्याचे चविष्ट मोदक, वाचा पारंपरिक रेसिपी

कृती

• बुंदीचे मोदक बनवण्यासाठी सर्वप्रथम बेसन पीठ घ्या आणि यात पाणी टाका
• आता बेसन आणि पाण्याचे एक मिश्रण तयार करून घ्या
• यानंतर झऱ्याच्या साहाय्याने याची बुंदी गरम तेलात पाडून छान कुरकुरीत तळून घ्या
• बुंदी तळून झाली की एका भांड्यात काढून ठेवा
• आता दुसरीकडे एक भांडे गॅसवर ठेवून यात पाणी आणि साखर घाला आणि एक चांगला पाक तयार करा
• याला सतत ढवळत रहा आणि याचा एक परफेक्ट पाक तयार करा
• आता पाक बरोबर आहे की नाही यासाठी चमच्याने पाक बोटावर घ्या आणि बोटांच्या मदतीने दाबून याची तार ओढली जाते का ते चेक करा
• तार आली की समजा तुमचा पाक बरोबर तयार आहे
• यानंतर आता तयार पाकामध्ये बुंदी टाका आणि ढवळून नीट मिक्स करा
• आता मिश्रणात ड्रायफ्रुट्स टाकून मिक्स करा आणि गॅस बंद करा
• यानंतर तयार मिश्रणाचे साच्याच्या मदतीने मोदक तयार करून घ्या