रात्रीच्या शिळ्या चपातीपासून तयार करा कुरकुरीत चायनीज भेळ, जाणून घ्या रेसिपी

लहान मुले चायनीज भेळ खायचा हट्ट करत असतील तर त्यांना तुम्ही घरीच पौष्टिक चायनीज भेळ तयार करू शकता. यासाठी आपण उरलेल्या शिळ्या चपात्यांचा वापर करणार आहोत. त्वरित नोट करून घ्या ही सोपी रेसिपी.

लहान असो वा मोठे चायनीज भेळ एक अशी गोष्ट आहे जी लहानांपासून मोठ्यापर्यंत सर्वांनाच खायला फार आवडते. हा इंडो चायनीजचा एक प्रकार आहे. कुरकुरीत शेव, भाज्या आणि शेजवान चटणीचा वापर करून हा पदार्थ बनवला जातो. लहान मुलांना ही चायनीज भेळ फार आवडते मात्र याचे नियमित सेवन लहान मुलांच्या आरोग्यासाठी चांगले नाही.

बऱ्याचदा आपल्या घरात रात्रीची चपाती शिल्लक राहते. मग या उरलेल्या चपातीच आता काय करावं असा प्रश्न बहुतेक गृहिणींना पडत असतो अशात आम्ही तुम्हाला सांगतो की, तुम्ही यापासून कुरकुरीत आणि चटपटीत अशी स्ट्रीट स्टाइल चायनीज भेळ तयार करू शकता. याच्या मदतीने तुम्ही आरोग्यासोबतच लहान मुलांच्या आवडीला देखील जपू शकता. मुख्य म्हणजे ही भेळ अवघ्या काही मिनिटांत झटपट आणि मुबलक साहित्यापासून तयार होते. चला तर मग जाणून घेऊयात यासाठी लागणारे साहित्य आणि कृती.

हेदेखील वाचा – सर्व भाज्यांवर भारी पडेल हे आलं-लसूण-मिरचीचं लोणचं! लगेच रेसिपी नोट करा

साहित्य

• उरलेल्या चपात्या
• आलं, लसूण
• कांदे
• गाजर
• शिमला मिरची
• कोबी
• शेजवान सॉस
• सोया सॉस
• काळी मिरी पावडर
• तेल

See more

हेदेखील वाचा – व्हेज कटलेट तर बऱ्याचदा खाल्ले असेल पण कधी अंड्याचे कटलेट खाल्ले आहे का? जाणून घ्या रेसिपी

कृती

• उरलेल्या चपातीपासून चायनीज भेळपासून बनवण्यासाठी सर्वप्रथम चपात्या घ्या
• आता या शिळ्या चपात्यांना नूडल्सप्रमाणे लांब कापून घ्या
• यानंतर एका पॅनमध्ये थोडे तेल घ्या आणि ते कुरकुरीत होईपर्यंत भाजून घ्या किंवा एअर फ्राय सुद्धा करू शकता
• नंतर गॅसवर एक कढई ठेवा आणि यात तेल टाका
• नंतर त्यात कांदे, गाजर, शिमला मिरची, कोबी अशा सर्व भाज्या घाला आणि परतून घ्या
• त्यानंतर यात शेजवान सॉस, सोया सॉस आणि काळी मिरी पावडर, थोडे मीठ घाला आणि मिक्स करा
• आता शेवटी यात कुरकुरीत तळलेल्या चपातीचे नूडल्स ऍड करा
• हे नूडल्स साहित्यात व्यवस्थित मिक्स करा आणि काहीवेळ झाकण ठेवून शिजवून घ्या
• अशाप्रकारे तुमचे उरलेल्या चपातीचे नूडल्स तयार होतील
• तयार नूडल्स शेजवान चटणीसोबत खाण्यासाठी सर्व्ह करा
• तुम्ही यावर कांद्याची पात देखील टाकू शकता
• चायनीज भेळची ही हटके रेसिपी @myflavourfuljourney नावाच्या इंस्टाग्राम अकाऊंटवरून शेअर करण्यात आली आहे