Malai Barfi Recipe: गोड खायची इच्छा होत असेल तर झटपट घरी बनवा मलाई बर्फी; तोंडात टाकताच विरघळेल

अनेकांना जेवणानंतर काहीतरी गोड खाण्याची इच्छा होते. तुमची हीच क्रेव्हिंग भरून काढण्यासाठी आम्ही एक सोपी, सहज आणि चविष्ट अशी रेसिपी घेऊन आलो आहोत. याचे नाव मलाई बर्फी, ही रेसिपी अवघ्या काही मिनिटांतच बनून तयार होते.

अनेकदा असे होते की काही मसालेदार खाल्ले की आपल्याला काहीतरी गोड खाण्याची इच्छा होते. काहींना तर आपल्या रोजच्या जीवनात रोज रात्रीच्या जेवणांतर काहीतरी गोड खाण्याची सवय असते. अशात आता तुम्हालाही गोड खाण्याची क्रेव्हिंग होत असेल आणि काय बनवावे ते सुचत नसेल तर आजची ही रेसिपी तुमच्यासाठी एकदम परफेक्ट आहे. आज आम्ही तुमच्यासाठी गोडाची एक अशी अप्रतिम रेसिपी घेऊन आलो आहोत जिला चाखताच तुमचे मन तृप्त होईल.

आजच्या आपल्या रेसिपीचे नाव आहे मलाई बर्फी, हा एक अप्रतिम गोड पदार्थ आहे, जो तुम्ही कोणत्याही खास प्रसंगी बनवू शकता. हे फक्त खायलाच स्वादिष्ट नाही तर बनवायलाही खूप सोपे आहे. मलाई बर्फीसाठी तुम्हाला काही निवडक साहित्य आणि थोड्या मोकळ्या वेळेची गरज आहे. नुकताच होळीचा उत्सव आता काही दिवसांवर आला आहे. तुम्ही या सणानिमित्तही ही रेसिपी ट्राय करू शकता. याची चव इतकी अप्रतिम लागते की तुम्ही या रेसिपीने घरातील सर्वांना खुश करू शकता. चला तर मग जाणून घेऊया यासाठी लागणारे साहित्य आणि कृती.

Onion Chutney: कोलेस्टेरॉल कमी करण्यासोबतच आतडेही साफ करते ही कांद्याची चटणी; कशी बनवायची ते जाणून घ्या

साहित्य

• फुल क्रीम दूध – 1 लिटर
• साखर – ½ कप
• मावा -1 वाटी
• तूप – 2 टीस्पून
• वेलची पावडर- ½ टीस्पून
• बारीक चिरलेले बदाम आणि पिस्ता – 2 टीस्पून

Malai Toast Recipe: लहान मुलांच्या टीफीनसाठी झटपट बनवा मलाई टोस्ट, खाताच पदार्थाच्या प्रेमात पडाल

कृती

• मलाई बर्फी बनवण्यासाठी सर्वप्रथम, एका पॅनमध्ये दूध उकळवा आणि मंद आचेवर ते घट्ट होईपर्यंत शिजवत ठेवा
• दूध निम्मे झाल्यावर त्यात साखर आणि मावा टाका आणि सतत ढवळत राहा
• मिश्रण सेट होईपर्यंत त्याला ढवळत राहा, मिश्रण घट्ट झाले की मग त्यात तूप आणि वेलची पूड घालून मिक्स करा
• आता गॅस बंद करा आणि एक प्लेट घेऊन त्याला तुपाने ग्रीस करा
• आता हे मिश्रण ग्रीस केलेल्या प्लेटमध्ये काढा आणि एकसमान पसरवा
• वरून चिरलेले बदाम आणि पिस्ता घालून हलके दाबून घ्या
• थंड झाल्यावर तुम्हाला हव्या त्या आकारात बर्फी कापून खाण्यासाठी सर्व्ह करा
• अशाप्रकारे तुमची स्वादिष्ट मलाई बर्फी तयार आहे