बेसन, रवा नाही तर यावेळी बाजरीच्या पिठापासून बनवा पौष्टीक आणि चवदार चिला; चवीसोबतच आरोग्याचीही काळजी

Bajara Chila Recipe: बाजरीची भाजरीच काय तर तुम्ही यापासून चविष्ट असा चिला देखील तयार करू शकता. हा नाश्त्यासाठीचा एक पौष्टिक, चवदार आणि आरोग्यदायी पर्याय आहे. जाणून घ्या बनवण्याची योग्य पद्धत.

सकाळचा नाश्ता आपल्या आरोग्यासाठी फार फायदेशीर ठरत असतो. हा दिवसभर आपल्या एनर्जी देण्याचे काम करतो आणि यामुळे दिवसभर आपल्या शरीरात ऊर्जा बनून राहते. वाढते आजाराचे प्रमाण बघता आजकाल अनेकजण हेल्दी डाएटकडे वळले आहेत. अशात आज आम्ही तुम्हाला अशीच एक हेल्दी पण तितकीच चविष्ट रेसिपी सांगणार आहोत जिच्या मदतीने तुमची सकाळ आणखीन चांगली होईल.

चिला हा एक नाश्त्याचा प्रकार असून हा बहुतेक बेसन अथवा रव्याच्या पिठापासून तयार केला जातो. मात्र आज आम्ही तुम्हाला बाजरीच्या पिठापासून चविष्ट असा चिला कसा तयार करायचा याची एक सोपी आणि सहज रेसिपी सांगत आहोत. सकाळच्या घाईघाडबडीच्या वेळी तुम्ही नाश्त्याला झटपट हा चिला तयार करू शकता. बाजरी हे एक सुपरफूड आहे जे शरीरातील व्हिटॅमिन बी 12 च्या कमतरतेवर मात उत्तमरित्या मात करते. आहारात समावेश करून शरीरातील व्हिटॅमिन बी12 ची कमतरता दूर होईल याशिवाय यामुळे आपली पचनक्रियाही सुरळीत होते आणि शरीरात ऊर्जाही बनून राहते. चला तर मग जाणून घेऊया बाजरीचा चिला बनवण्यासाठी लागणारे साहित्य आणि कृती.

बेसनपासून तयार होणारी सर्वात चविष्ट मिठाई ‘मोहनथाळ’ आता घरीच बनवा; नोट करा रेसिपी

साहित्य

• 1 कप बाजरीचे पीठ
• 1/2 कप आंबवलेले दही
• बारीक चिरलेला गाजर
• बारीक चिरलेला कांदा
• बारीक चिरलेला टोमॅटो
• आले-लसूण पेस्ट
• हिरवी मिरची
• मीठ आणि मसाले

Masala Pav: स्ट्रीट फूड लव्हर्ससाठी खास 15 मिनिटांची रेसिपी, पाहता क्षणी तोंडाला पाणी सुटेल

कृती

• यासाठी सर्वप्रथम एका भाड्यात बाजरीचे पीठ घ्या
• नंतर यात दही आणि थोडे पाणी घालून मिसळा आणि एक पातळ मिश्रण तयार करा
• आता या द्रावणात सर्व चिरलेल्या भाज्या आणि मसाले घाला आणि सव साहित्य नीट एकत्रित करा
• चिलासाठीचे तुमचे मिश्रण तयार आहे, आता गॅसवर एक पॅन ठेवा
• पॅन गरम होताच यावर तेल टाकून पसरवा
• आता पॅनवर तयार मिश्रणाचा चिला तयार करून घ्या
• मध्यम आचेवर चिला दोन्ही बाजूंनी छान खरपूस शिजवून घ्या
• तयार चिला दही किंवा हिरव्या चटणीसोबत गरमागरम खणायची सर्व्ह करा