लहान मुलांसाठी घरी बनवा टेस्टी Cheese Burger; फार सोपी आणि झटपट आहे रेसिपी

फास्ट फूड लव्हर्ससाठी खास! तुम्ही काही निवडक साहित्यापासून घरीच चविष्ट असा चीज बर्गर तयार करू शकता. घरी कोणी पाहुणे येत असतील अथवा स्नॅक्ससाठी काही स्वादिष्ट शोधत असाल ही रेसिपी तुमच्यासाठी एक परफेक्ट पर्याय आहे.

बर्गर हे लहानांपासून मोठ्यांपर्यंत सर्वांच्याच आवडीचे फूड आहे. हा एक पाश्चात्य खाद्यपदार्थ असून जगभरात त्याला फार आवडीने खाल्ले जाते. बर्गरची लोकप्रियता संपूर्ण जगभरात प्रसिद्ध आहे. लहानांना तर याची चव फारच आवडते. आजकाल बर्गरचे अनेक प्रकार निघाले आहेत, ज्यातीलच एक लोकप्रिय प्रकार म्हणजे चीज बर्गर!

सकाळच्या नाश्त्यात विदर्भातील पारंपरिक पद्धतीमध्ये बनवा ‘ताक- भाकरी’, शरीराला मिळेल थंडावा

तुम्ही हे चीज बर्गर याआधी अनेकदा खाल्ले असेल मात्र तुम्ही ते कधी घरी बनवले आहे का? आज या लेखात आम्ही तुमच्यासोबत चीज बर्गरची एक सोपी रेसिपी शेअर करत आहोत. संध्याकाळच्या स्नॅक्ससाठी हा एक चांगला पर्याय ठरेल आणि याने तुमच्या घरातील सर्वच खुश देखील होतील. नेहमी नेहमी बाहेरचे अन्न खाण्याऐवची तुम्ही हे टेस्टी पदार्थ घरीच तयार करु शकता. चीज बर्गर चवीला जितके चविष्ट लागते तितकेच ते बनवणेही फार सोपे आहे. यासाठी तुम्हाला काही निवडक साहित्य आणि थोड्या वेळेची गरज आहे. चला तर मग चीज बर्गर बनवण्यासाठी लागणारे साहित्य आणि कृती.

साहित्य

• बर्गर बन्स – ४
• चीजचे तुकडे – ४
• चिकन किंवा व्हेज पॅटीज – ​​४
• लेट्यूसची पाने – ८ ते १०
• कांदा – १
• टोमॅटो – १ ते २
• मेयोनेझ – ४ टेबलस्पून
• मस्टर्ड सॉस – २ टेबलस्पून
• टोमॅटो केचप – ४ टेबलस्पून
• मीठ – चवीनुसार
• काळी मिरी पावडर – चवीनुसार
• बटर – २ टेबलस्पून
• तेल किंवा बटर

यंदाच्या विकेंडला घरी बनवा कोल्हापूर स्टाईल सुक्कं मटण; पाहता क्षणीच तोंडाला पाणी सुटेल

कृती

• घरीच चीज बर्गर बनवण्यासाठी सर्वप्रथम रेडिमेड पॅटीज पॅकेट बाहेर काढा (तुम्हाला हवे असल्यास तुम्ही घरी देखील तयार करू शकता)
• आता या पॅटीज गरम तेलात छान छान कुरकुरीत होईपर्यंत तळून घ्या
• आता बर्गर बनला मधून कापून त्याचे दोन तुकडे करा
• गॅसवर तवा ठेवा आणि त्यावर बटर टाकून हे बन छान भाजून घ्या
• आता बनच्या खालच्या भागात थोडे मेयोनेझ आणि मस्टर्ड सॉस लावा (तुम्ही तुमच्या आवडीचा सॉसदेखील यावर लावू शकता)
• आता यावर लेट्यूसची पाने ठेवा
• आता यावर तळलेली क्रिस्पी पॅटी आणि त्यावर चीज स्लाइस ठेवा
• मग यावर पातळ कापलेले कांद्याचे काप आणि टोमॅटोचे काप ठेवा
• आता यावर हलके मीठ आणि मिरेपूड शिंपडा
• वरून हलके टोमॅटो केचप लावा, तुम्ही ही स्टेप स्किप देखील करू शकता
• शेवटी दुसरा बन यावर ठेवा आणि तयार बर्गर तव्यावर काही वेळ शेकून घ्या, जेणेकरून यातील चीज मेल्ट होईल
• अशाप्रकारे तुमचा चीज बर्गर तयार आहे
• तयार बर्गर कोल्ड्रिंकसोबत खाण्यासाठी सर्व्ह करा